صوبہ سندھ کے 8 اور پنجاب کے 12 اضلاع میں بلدیاتی انتخابات ہوئے جن کے غیر حتمی اور غیر سرکاری نتائج سامنے آنا شروع ہوگئے۔
پنجاب کی 2 ہزار 696نشستوں میں سے 176 کےغیر سرکاری نتائج موصول ہوگئے جن کے مطابق پنجاب میں مسلم لیگ ن نے اب تک 80 نشستیں حاصل کیں۔ پنجاب میں 78 آزاد امیدوار کامیاب ہوئے جبکہ تحریک انصاف نے 14 نشستیں حاصل کیں۔ پیپلزپارٹی اور مسلم لیگ فنگشنل نے دو ، دو نشستیں حاصل کیں۔
پنجاب کی 1118 میٹروپولیٹن کمیٹیوں میں سے 147کے نتائج موصول ہوگئے۔ مسلم لیگ ن نے 64نشستوں پر کامیابی حاصل کی جبکہ 67آزاد امیدوار کامیاب ہوئے۔ تحریک انصاف نے 12 ، پیپلزپارٹی اور مسلم لیگ ق نے 2،2 نشستیں حاصل کیں۔
سندھ کی ایک ہزار70 نشستوں میں سے194 کے غیر سرکاری نتائج موصول ہوگئے۔ سندھ میں پیپلزپارٹی کو 158نشستوں کے ساتھ واضح برتری حاصل ہے ۔ سندھ میں 32 آزاد امیدوار کامیاب ہوئے جبکہ جے یوآئی ف نے3،پیپلزپارٹی ورکر نے ایک نشست حاصل کی
