ڈاکٹر ماہا کیس: ملزمان جنید اور وقاص کی ضمانتیں منظور

کراچی: سندھ ہائیکورٹ نے ڈاکٹر ماہا شاہ خودکشی کیس کے ملزمان جنید اور وقاص کی 2 مختلف مقدمات میں ضمانت منظور کرلی۔
ڈاکٹر ماہ خود کشی کیس کے مفرور ملزمان نے احاطہ عدالت سے فرار ہونے کےجرم میں ضمانت کے لیے سندھ ہائی کورٹ سے رجوع کیا تھا جس پر عدالت نے ملزم جنید اور وقاص کی 25، 25 ہزار روپے کے عوض 12 نومبر تک ضمانت منظور کرلی جب کہ عدالت نے ملزمان کو 10 روز میں متعلقہ کورٹ سے رجوع کرنے کا حکم بھی دے دیا۔

پولیس کے مطابق ملزمان سٹی کورٹ سے ضمانت مسترد ہونے پر پولیس کی تحویل سے فرار ہو گئے تھے، پولیس کی جانب سے کیس میں جنید اور وقاص کو فرار کرانے والے 8 نامعلوم سہولت کاروں کو بھی نامزد کیا گیا ہے۔

دوسری جانب ڈاکٹر ماہا خودکشی کیس کے مقدمے میں بھی عدالت نے ملزمان جنید اور وقاص کی ضمانت ایک ایک لاکھ روپے کے عوض منظور کرتے ہوئے ٹرائل کورٹ سے رجوع کرنے کا حکم دے دیا۔

ڈاکٹر ماہا شاہ کے والد آصف علی شاہ کی مدعیت میں مقدمہ درج کیا گیا تھا جس میں ملزم جنید اور وقاص نامزد ہیں۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے