جیو نیوز کے سینیئر رپورٹر ارشد وحید چوہدری انتقال کرگئے۔
گزشتہ دنوں ارشد وحید چوہدری میں کورونا کی تشخیص ہوئی تھی، جس کے بعد سے وہ اسلام آباد کے مقامی اسپتال میں زیر علاج تھے۔
دوران علاج طبیعت زیادہ بگڑنے پر انہیں وینٹی لیٹر پر منتقل کیا گیا تھا ،جہاں آج وہ دارفانی سے کوچ کرگئے۔
ارشد وحید چوہدری جیو نیوز کے سینیئر رپورٹر تھے اور وہ پروگرام ’جیو پارلیمنٹ‘ کے اینکر بھی تھے جبکہ وہ پارلیمنٹ سے عوام کو خبروں کی آگاہی فراہم کرتے تھے۔
ارشد وحید چوہدری نیشنل پریس کلب اسلام آباد کے نائب صدر بھی تھے۔
دوسری جانب مسلم لیگ (ن) کی نائب صدر مریم نواز نے بھی سینیئر صحافی ارشد وحید کے انتقال پر دکھ کا اظہار کیا ہے۔
بہت ہی تکلیف دہ اور افسوسناک خبر۔ یقین ہی نہیں آ رہا۔
انا للّہ وانا الیہ راجعون https://t.co/ahONXXM4tg
— Maryam Nawaz Sharif (@MaryamNSharif) November 14, 2020
اپنی ٹوئٹ میں مریم کا کہنا تھا کہ بہت ہی تکلیف دہ اور افسوسناک خبر ہے جس پر یقین ہی نہیں آرہا۔
