وفاقی وزیر اطلاعات شبلی فراز کا کہنا ہے کہ دنیا میں کورونا سے نبردآزما ہونے کیلئے 10 نکاتی پلان عمران خان کی قائدانہ صلاحیتوں کا منہ بولتا ثبوت ہے۔
یاد رہے کہ وزیر اعظم عمران خان نےاقوام متحدہ کے خصوصی اجلاس سے ویڈیو لنک کے ذریعے اپنے خطاب میں کورونا وبا سے نمٹنے کے لیے 10 نکاتی ایجنڈہ پیش کیا ہے۔
دنیا میں کورونا سے نبردآزما ہونے کیلئے 10 نکاتی پلان عمران خان کی قائدانہ صلاحیتوں کا منہ بولتا ثبوت ہے،غریب ممالک کیلئے 500ارب کے فنڈ کا قیام، غریب ممالک کے قرض کی معافی، کرپٹ سیاستدانوں اور مجرموں سے لوٹی دولت کی واپسی کے لئے وزیراعظم کا واشگاف اظہار درحقیقت غریب کی آواز ہے۔
— Senator Shibli Faraz (@shiblifaraz) December 4, 2020
اپنے بیان میں شبلی فراز نے کہا کہ غریب ممالک کیلئے پانچ سو ارب ڈالرکے فنڈ کا قیام، غریب ممالک کے قرض کی معافی، کرپٹ سیاستدانوں اور مجرموں سے لوٹی دولت کی واپسی کے لیے وزیراعظم کا واشگاف اظہار درحقیقت غریب کی آواز ہے۔
عمران خان واحد لیڈر ہیں جو ہر کورونا متاثرہ ملک کے لئے مساوی ویکسین کی فراہمی کی بات کررہے ہیں۔کرونا کی پہلی لہر میں پاکستان کی کامیاب حکمت عملی آج دنیا کے لیے باعث تقلید ہے۔
— Senator Shibli Faraz (@shiblifaraz) December 4, 2020
شبلی فراز کا کہنا تھا کہ عمران خان واحد لیڈر ہیں جو ہر کورونا متاثرہ ملک کے لیے مساوی ویکسین کی فراہمی کی بات کررہے ہیں۔
انہوں نے کہا کہ کورونا کی پہلی لہر میں پاکستان کی کامیاب حکمت عملی آج دنیا کے لیے باعث تقلید ہے۔
