پاکستان پیپلزپارٹی کے چیئرمین بلاول بھٹو زرداری کا کورونا ٹیسٹ منفی آگیا۔
گزشتہ دنوں بلاول بھٹو زرداری میں مہلک وائرس کی تشخیص ہوئی تھی جس کے بعد سے وہ گھر کے مخصوص حصے میں قرنطینہ تھے۔
تاہم اب بلاول بھٹو زرداری کی کورونا ٹیسٹ کی رپورٹ منفی آئی ہے اور اس کی تصدیق سندھ کے وزیراطلاعات و نشریات سید ناصر حسین شاہ نے کی ہے۔
الحمدللہ چییرمین بلاول بھٹو زرداری کی کرونا رپورٹ منفی آگئ ہے۔ پروردگار چئیرمین صاحب کو بہترین صحت اور عمر طویل عطا کریں۔ آمین
— Syed Nasir Hussain Shah (@SyedNasirHShah) December 4, 2020
اپنی ٹوئٹ میں ناصر حسین شاہ نے بتایا کہ پارٹی چیئرمین بلاول بھٹو زرداری کی کورونا رپورٹ منفی آئی ہے۔
خیال رہے کہ 27 نومبر کو بلاول بھٹو زرداری نے اپنی بہن بختاور کی منگنی میں بھی بذریعہ ویڈیو لنک شرکت کی تھی۔
واضح رہے کہ گزشتہ دنوں وزیراعلیٰ سندھ مراد شاہ نے بھی مہلک وائرس کو شکست دی ہے۔