معروف صحافی، پاکستان فیڈرل یونین آف جرنلسٹس کے سابق سیکرٹری جنرل اور کراچی پریس کلب کے سابق سیکرٹری مظہر عباس کی اہلیہ انتقال کرگئیں۔
جنگ اور جیو کے معروف تجزیہ کار مظہر عباس کی اہلیہ ارم عباس علیل اور کراچی کے مقامی اسپتال میں زیرعلاج تھیں۔
Sad news for family and friends. Our beloved bhabi, Erum, wife of Mazhar Abbas, passed away today after brief illness. She will be greatly missed.
— Zaffar Abbas (@abbasz55) December 24, 2020
مرحومہ کی نماز جنازہ کل بعد نماز جمعہ ڈیفنس میں واقع امام بارگاہ یثرب میں ادا کی جائے گی۔
ان کی تدفین وادی حسین کے قبرستان میں کی جائے گی۔
کراچی یونین آف جرنلسٹس نے مظہر عباس سے تعزیت کا اظہار کیا ہے۔
کراچی یونین آف جرنلسٹس کے صدر نظام الدین صدیقی اور جنرل سیکرٹری فہیم صدیقی سمیت مجلس عاملہ کے تمام ارکان کےجاری بیان میں کہا گیا ہے کہ کراچی سمیت ملک بھر کی صحافی برادری دکھ کی اس گھڑی میں مظہر عباس اور ان کے اہلخانہ کے ساتھ ہے۔
کے یو جے نے مرحومہ کے درجات کی بلندی اور مغفرت کے لیے بھی دعا کی ہے۔