نئی دہلی: پھولوں سے سجی گاڑی کے بجائے سکوٹی پر سیرکرتی دلہن کی ویڈیو سوشل میڈیا پر وائرل ہوگئی۔
عام طور پر دلہنیں اپنے دلہا کے ساتھ خوبصورتی سے سجائی گئی گاڑی میں نظر آتی ہیں لیکن ایک دلہن کو فراٹے بھرتی سکوٹی پر جاتے دیکھ کر لوگ حیران ہوگئے تاہم ویڈیو کی حقیقت جلد ہی سامنے آگئی۔
دلہن کی مختصر ویڈیو دہلی پولیس کے آفیشل ٹوئٹر اکاؤنٹ پر جاری کی گئی جس کا مقصد لوگوں میں ہیلمٹ نہ پہننے پر چالان کی نوید سنائی گئی۔
Going 'Vaari Vaari Jaaun' on the road for a REEL makes your safety a REAL WORRY!
Please do not indulge in acts of BEWAKOOFIYAN! Drive safe.@dtptraffic pic.twitter.com/CLx5AP9UN8
— Delhi Police (@DelhiPolice) June 10, 2023
ویڈیو کے پہلے حصے میں دلہن کو سکوٹی پر جاتے دیکھا جا سکتا ہے جب کہ پس منظر میں گانا ’ واری واری جاؤں ‘ سنائی دے رہا ہے۔ کچھ سکینڈز بعد ایک چالان کی تصویر آتی ہے اور گانا ’ بیوقوفیاں ‘ بچ رہا ہے۔
سوشل میڈٰیا پر دلہن کی ویڈیو وائرل ہوگئی اور بیشتر صارفین نے دہلی پولیس کی ٹریفک قوانین کی آگہی کے لیے تیار کی گئی ویڈیو کو سراہا۔
