زید حامد کو8 سال قید اور 1000 کوڑوں کی سزا

ساجد حسین

لاہور

۔ ۔ ۔

 

zid

زید حامد کو  مئی کے مہینے میں سعودی عرب میں گرفتار کر لیا گیا تھا جب وہ اپنی اہلیہ کے ہمراہ عمرے کے ادائیگی کے لیے سعودی عرب میں موجود تھے ۔

 

Zaid-Hamid_-770x470

متنازعہ دفاعی مبصر  زید زمان حامد کو سعودی حکومت آٹھ برس قید اور ایک ہزار کوڑوں کی سزا سنائی ہے ۔ ان پر سعودی عرب میں ریاست کے خلاف بغاوت پھیلانے اور منافرت پر مبنی تقریر کا الزام ثابت ہوا ہے

67302_10155687499440313_7353162258976401862_n

زید کے قریبی زرائع کے مطابق ان کے میزبان نے سعودی حکام سے اس کے دورے اور تقریر کی اجازت نہیں لی تھی۔

زید حامد کے  پروگرام میں شریک ایک شخص نے زید حامد کے بارے میں حکام کو شکایت کی تو اس پر کارروائی کرتے ہوئے پولیس نے انہیں کو گرفتار کر کے نا معلوم مقام پر منتقل کر دیا تھا ۔

zaid

 اطلاعات کے مطابق زید حامد سے ایران کے ساتھ خفیہ رابطوں کے بارے میں بھی تفتیش کی جارہی ہے۔

زید حامد  دفاعی امور کے ماہر ہیں۔ آپ کا ٹی وی شو براس ٹیک اتوار کی شب 8:00 نیوز ون چینل سے نشر کیا جاتا ہے۔

زید حامد کی شخصیت کو پاکستان میں لوگوں کی اکثریت مشکوک نظروں سے دیکھتی ہے ۔

وہ ٹی وی چینلز پر خود کو پاک فوج کا خود ساختہ ترجمان سمجھتے ہیں ۔ ایک دور میں پاکستانی کے نوجوانوں میں اچانک مقبول ہو گئے تھے اور مختلف جامعات میں ان کے لیکچرز شروع ہو گئے ۔

تعلیمی اعتبار سے زید کے بارے میں کہا جاتا ہے کہ مہندس ہیں اور این ای ڈی یونیورسٹی سے برقیاتی ہندسیات میں سند تکمیل کی۔

6 اکتوبر 2008 کو کراچی کے ایک رو‌‌زنامے امّت میں ایک مضمون شائع ہوا ۔مضمون کے مطابق 2000ء میں کراچی کے ایک شخص یوسف علی نے نبوّت کا دعوی کیا جس کو لاہور ہائیکورٹ نے ناقابل تردید ثبوت کی بنا پر سزاۓ موت سنادی تھی ۔

زید زمان کے مخالفین کہتے ہیں کہ وہ یوسف علی کے خلیفہ ہیں تاہم زید زمان کہتے ہیں کہ وہ ختم نبوت پر مکمل ایمان رکھتے ہیں اور حضرت محمد ؐ کے بعد کسی کو نبی نہیں مانتے ۔

زید زمان کو پاکستان میں کئی علماٗ نے چیلنج بھی کئے تاہم انہوں نے اس موضوع پر بات نہیں کی ۔ ان کے کئی عوامی  پروگرام اس وجہ سے خراب بھی ہوئے کیونکہ انہوں نے اس سوال کا جواب نہیں دیا ۔ اس کے بعد انہوں نے پبلک مقامات پر گفت گو کا سلسلہ ختم کر دیا ۔

زید زمان پر ان کے دفتر میں کام کرنے والے ایک نوجوان نے انتہائی سنگین نوعیت کے الزامات بھی عائد کئے ہیں جن میں پیسے کا غبن اور خواتین کا استحصال شام ہے تاہم زید زمان نے ان الزامات کے جوابات نہیں دیے ۔

زید حامد پر پاکستان میں روزنامہ جنگ کے مذہبی صفحے اقرا کے مدیر مولانا سعید جلال پوری کے قتل کا الزام بھی  لگایا گیا کیونکہ انہوں نے زید حامد کے خلاف ایک مضمون لکھا تھا ۔

زید حامد کو دی جانے والی سزا پر لبرل حلقے سعودی عرب پر تنقید بھی کر رہے ہیں ۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

آئی بی سی فیس بک پرفالو کریں

تجزیے و تبصرے