غیرت کے نام پر دیور نے بھابھی کو زخمی اور پڑوسی کو قتل کردیا

فیصل آباد: غیرت کے نام پر دیور نے فائرنگ کرکے بھابھی کو زخمی اور اپنے گھر میں آنے والے پڑوسی کو قتل کر دیا۔

پولیس ذرائع کے مطابق واقعہ گھڑتل گاؤں میں پیش آیا جہاں آصف نامی نوجوان نے غیرت کے نام پر فائرنگ کرکے اپنے پڑوسی سفیان کو قتل جب کہ اپنی بھابھی کو شدید زخمی کردیا اور موقع سے فرار ہو گیا۔

پولیس نے بتایا کہ اطلاع ملنے پر ریسکیو اہلکاروں نے زخمی ہونے والی خاتون کو الائیڈ اسپتال منتقل کر دیا جب کہ پولیس نے مقتول کی لاش کو تحویل میں لے کر پوسٹ مارٹم کے لیے سول اسپتال جھمرہ منتقل کر دیا۔

علاوہ ازیں پولیس نے جائے وقوعہ سے شواہد اکٹھے کر لیے اور فرار ہونے والے ملزم محمد آصف کی گرفتاری کے لیے کارروائی شروع کردی۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

آئی بی سی فیس بک پرفالو کریں

تجزیے و تبصرے