ٹھٹھہ کے علاقے میرپور ساکرو میں برادری مخالف ٹک ٹاک بنانے پر دو گروپوں میں جھگڑا ہوگیا، جس کے دوران 16 افراد زخمی ہوگئے۔
رپورٹ کے مطابق میرپور ساکرو میں 2 برادریوں کے نوجوانوں کے درمیان ایک دوسرے کے خلاف ٹک ٹاک بنانے پر تلخ کلامی شروع ہوئی تھی ۔
تین دن سے جاری کشیدگی پر آج تصادم ہوگیا، تصادم کے نتیجہ میں 16 افراد شدید زخمی ہو گئے۔
تصادم میں کلہاڑیوں اور لاٹھیوں کا آزادانہ استعمال کیا گیا، 8 زخمیوں کو نازک حالت میں کراچی منتقل کیا گیا ہے۔
