عید قریب آتے ہی کراچی میں لوٹ مار کی وار داتیں بڑھ گئیں، لیاری میں ڈاکووں کی فائرنگ سے پولیس اہلکار شہید اور بچے سمیت 3 افراد زخمی ہو گئے۔
عینی شاہدین نے بتایا کہ لیاری نیاآباد میں ڈاکو شہریوں سے لوٹ مار کر رہے تھے کہ اس دوران پولیس اہلکار نے ڈاکووں کو روکنے کی کوشش کی جس پر ملزمان نے فائرنگ کر دی۔
عینی شاہدین کے مطابق ملزمان کی فائرنگ سے پولیس اہلکار شہید ہو گیا جبکہ ملزمان موقع سے فرار ہو گئے۔
شہید پولیس کانسٹیبل کی شناخت 25 سالہ معز کے نام سے ہوئی ہے، اہلکار چار بہنوں کو اکلوتا بھائی تھا۔