خیبر پختونخوا : ڈینگی سے متاثرہ مریضوں کی تعداد 3800 تک پہنچ گئی

خیبر پختونخوا میں ڈینگی کے مزید کیسز سامنے آنے کے بعد صوبے میں وائرس سے متاثرہ مریضوں کی تعداد 3 ہزار 796 ہو گئی ہے۔

محکمہ صحت خیبر پختونخوا کے مطابق گزشتہ 24 گھنٹوں کے دوران ڈینگی کے 229 نئے کیسز کی تصدیق ہوئی جبکہ اسپتالوں میں مجموعی طور پر 228 ڈینگی کے مریض زیر علاج ہیں۔ صوبے میں مجموعی طور پر ڈینگی سے متاثرہ مریضوں کی تعداد 3796 ہو گئی ہے۔

پشاور میں 24 گھنٹوں کے دوران 121 افراد میں ڈینگی وائرس کی تصدیق ہوئی جبکہ پشاور میں مجموعی طور پر ڈینگی سے متاثرہ مریضوں کی تعداد 1264 تک پہنچ گئی ہے۔

صوابی اور کرک میں 20، 20، ہنگو اور ہری پور میں 19، 19 افراد میں ڈینگی وائرس کی تصدیق ہوئی۔

محکمہ صحت خیبر پختونخوا کے مطابق گزشتہ چوبیس گھنٹوں کے دوران صوبے میں ڈینگی سے 106 افراد صحت یاب ہوئے۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے