ملک میں کورونا وبا کی پانچویں لہر میں شدت آگئی اور مثبت کیسز کی شرح 13 فیصد کے قریب پہنچ گئی۔
نیشنل کمانڈ اینڈ آپریشن سینٹر کے مطابق گزشتہ روز ملک میں کورونا ٹیسٹ مثبت آنے کی شرح 12.81 رہی ۔
این سی او سی کےمطابق گزشتہ روز ملک بھر میں 49 ہزار 595 ٹیسٹ کیے گئے جن میں سے 6 ہزار 357 افرادمیں کورونا کی تصدیق ہوئی۔
گزشتہ روز مزید 17 افراد کا کورونا سےانتقال بھی ہوا جب کہ کورونا کے 12سو مریضوں کی حالت تشویشناک ہے۔
دوسری جانب کراچی کے بعد اسلام آباد میں کورونا کے کیسز میں تشویشناک حد تک اضافہ ہورہا ہے۔
اسلام آباد میں کورونا کے مثبت کیسز کی شرح 22 فی صد پر جاپہنچی ۔
محکمہ صحت نے کورونا کا پھیلاؤ روکنے کے لیے 12 علاقوں کی 19 گلیوں میں فوری اسمارٹ لاک ڈاؤن لگانے کی تجویز دے دی۔
گزشتہ چوبیس گھنٹوں میں کراچی میں کورونا ٹیسٹ مثبت آنے کی شرح 19 فیصد رہی۔
اسلام آباد میں کورونا کیسز کی شرح میں تشویشناک حد تک اضافہ
اسلام آباد میں کورونا کے کیسز میں تشویشناک حد تک اضافہ ہورہا ہے اور مثبت کیسز کی شرح22 فی صد پر جاپہنچی ہے۔
محکمہ صحت نے کورونا کا پھیلاؤ روکنے کے لیے 12 علاقوں کی 19 گلیوں میں فوری اسمارٹ لاک ڈاؤن لگانے کی تجویز دے دی۔
ڈسٹرکٹ ہیلتھ آفیسر (ڈی ایچ او) ڈاکٹر زعیم ضیاء کے مطابق اسلام آباد میں مثبت کیسز اور مثبت شرح میں ریکارڈ اضافہ ہوا ہے اور یومیہ شرح اب تک بلند ترین سطح پر ہے۔
محکمہ صحت کی طرف سے ضلعی انتظامیہ کو لکھے گئے مراسلے میں کہا گیا ہے کہ متعلقہ 19 گلیوں میں کورونا کے زیادہ کیس رپورٹ ہوئے ہیں اور یہ اسلام آباد میں کورونا پھیلاؤ کا سبب بن رہے ہیں۔
