راولپنڈی میں اسپتال سے اغواکیا گیا 3 ماہ کا بچہ بازیاب کر کے 2 ملزمان کو گرفتار کر لیا گیا۔
ترجمان راولپنڈی پولیس کے مطابق بچےکو گزشتہ روز بےنظیر بھٹو اسپتال سے اغوا کیا گیا تھا۔
والدین کی جانب سے درج شکایت کے بعد سی پی او شہزاد ندیم بخاری کی جانب سے کارروائی عمل میں لائی گئی جس کے نتیجے میں بچہ اغوا کاروں سے بازیاب کرواکر والدین کے حوالے کر دیا گیا۔
راولپنڈی پولیس کی اہم کامیابی، بی بی ایچ ہسپتال سے اغواء ہونے والا تین ماہ کا بچہ بحفاظت بازیاب، اغواکار ملزمہ اور ساتھی گرفتار۔ سی پی او سید شہزاد ندیم بخاری نے بچے کو والدہ کے حوالے کیا۔ @OfficialDPRPP @Rporwp @ShehzadPSP pic.twitter.com/fa3TRYreMd
— Rawalpindi Police (@RwpPolice) July 29, 2022
پولیس ترجمان کے مطابق بچے کو اغوا کرنے والی ملزمہ اور ساتھی کو گرفتار کر کے مزید قانونی کارروائی کی جا رہی ہے۔