پاکستان کے مختلف علاقوں میں آج شام آٹھ بجے کے قریب یوٹیوب کی نشریات اچانک معطل ہوگئیں . سوشل میڈیا پر یوٹیوب بند ہونے پر پندرہ منٹ میں ٹرینڈ بنا جو تھوڑی ہی دیر میں پندرہ ہزار ٹویٹس کے ساتھ پاکستان کا ٹاپ ٹرینڈ بن گیا .
سوشل میڈیا پر صارفین کا کہنا ہے کہ انٹرنیٹ کی سروسز سلو ہونے کے پیچھے تحریک انصاف کے سربراہ اور سابق وزیراعظم عمران خان پشاور کے جلسہ عام میں ایک اہم انکشاف کرنے والے تھے جس کی وجہ سے تمام ٹی وی چینلز اور سوشل میڈیا اکاؤنٹس کی سروسز صارفین تک پہنچنے سے روک دی گئیں . عمران خان نے اپنی گفتگو میں مبینہ طور پر شریف فیملی کے متضاد بیانات کی ویڈیوز دکھائیں .
پاکستان میں وائس آف امریکہ سے تعلق رکھنے والے سینئر صحافی ایاز گل نے اپنی ٹویٹ میں لکھا کہ پاکستان میں عمران خان کی تقریر کے دوران ایک بار پھر یوٹیوب کی سروسز بند ہو گئیں .
#Pakistan again blocked Youtube service to disrupt live broadcast of ex-PM @ImranKhanPTI speech to a big anti-govt rally in Peshawar. Local TV channels already stopped showing the event.
— Ayaz Gul (@AyazGul64) September 6, 2022
کچھ لوگوں کا یہ کہنا ہے کہ وہ یوٹیوب پر نشریات دیکھ سکتے ہیں تاہم کراچی، لاہور، اسلام آباد اور کچھ دیگر بڑے اضلاع سے یوٹیوب سروسز بند ہونے کی اطلاع ملی ہیں . یاد رہے کہ چند روز قبل تحریک انصاف کے سربراہ عمران خان نے جلسے میں گفتگو کرتے ہوئے کہا کہ نوازشریف اور زرداری میرٹ پر آرمی چیف لانے کے بجائے اپنا فیورٹ آرمی چیف لانا چاہتے ہیں،انہوں نے پیسہ چوری کررکھا ہے،انہیں پتا ہے کہ تگڑا اور محب وطن آرمی چیف آگیا تو ان سے پوچھے گا،اس ڈر سے دونوں مل کر اپنا آرمی چیف لانا چاہتے ہیں .
نوازشریف اور زرداری میرٹ پر آرمی چیف لانے کے بجائے اپنا فیورٹ آرمی چیف لانا چاہتے ہیں،
انہوں نے پیسہ چوری کررکھا ہے،
انہیں پتا ہے کہ تگڑا اور محب وطن آرمی چیف آگیا تو ان سے پوچھے گا،
اس ڈر سے دونوں مل کر اپنا آرمی چیف لانا چاہتے ہیں،
عمران خان #FaisalabadJalsa pic.twitter.com/xYd4o56an3— PTI (@PTIofficial) September 4, 2022
عمران خان کے اس بیان کے بعد آئی ایس پی آر نے سخت رد عمل کا اظہار کرتے ہوئے کہا کہ
” عمران خان کے بیان پر فوج میں سخت غم اور غصہ پایا جاتا ہے .”
عمران خان کی اس تقریر کا لائیو نشر کرنے کے بعد بول نیوز کا لائینس منسوخ کر دیا گیا تھا . اس سے پہلے عمران خان کے چیف آف اسٹاف شہباز گل کا اے آر وائی پر بیپر نشر ہونے پر بھی پورے ملک میں اے آر وائی کی نشریات کو بین کر دیا گیا تھا تاہم چند روز پہلے اے آر وائی کی نشریات بحال کر دی گئیں . اے آر وائی نے صابر شاکر ، ارشد شریف سمیت اپنے کئی اینکرز کو آف ائیر کرنے کے بعد ملازمتوں سے بھی فارغ کر دیا .
پاکستان میں یوٹیوب کو اس سے پہلے بھی ایک بار بند کیا جا چکا ہے جب یوٹیوب پر پیغمبر اسلام ص سے متعلق توہین امیز فلم ” فتنہ ” نشر کی گئی تھی .
