یونیورسٹی آف گوادر اور پاکستان بائیولوجیکل سیفٹی ایسوسی ایشن کے درمیان علمی، سائنسی اور حیاتیاتی تحقیق کو فروغ دینے کے لیے مفاہمت کی ایک یاداشت پر دستخط کیے گئے۔مفاہمتی یاداشت پر یونیورسٹی آف گوادر رجسٹرار پروفیسر دولت خان اور پاکستان بائیولوجیکل سیفٹی ایسوسی ایشن کے صدر پروفیسر ڈاکٹر سعید خان نے دستخط کیے۔
مفاہمتی دستاویز کے مطابق، دونوں اداروں نے مشترکہ طور پر بائیو سیفٹی اور بائیو سیکیورٹی ٹریننگ اور ورکشاپس منعقد کرنے پر اتفاق کیا۔ پی بی ایس اے گوادر یونیورسٹی کے فیکلٹی ممبران کے لیے بین الاقوامی فیڈریشن بائیو سیفٹی ایسوسی ایشن سرٹیفیکیشن امتحان انٹر نیشنل کے حوالے سے سرگرمیوں میں حصہ لینے کے لیے سہولت اور مواقع فراہم کرے گی۔اس موقع پر پی ایس او ٹو وائس چانسلر گوادر یونیورسٹی رحمت اللہ، اسسٹنٹ رجسٹرار عبدالماجد اور یونیورسٹی انتظامیہ کے افسران بھی موجود تھے۔
