سردی میں احتیاطی تدابیر
سردی کا موسم اپنی مخصوص خوبصورتی، ٹھنڈی ہواؤں، دھند، بارش اور برفباری کے ساتھ آتا ہے، جو انسان کو ایک الگ ہی ماحول میں لے جاتا ہے۔ لیکن یہ موسم جہاں خوشگوار احساسات پیدا کرتا ہے، وہیں کئی طرح کی جسمانی بیماریوں اور مسائل کا سبب بھی بنتا ہے۔ نزلہ، زکام، کھانسی، نمونیا، جوڑوں کا درد، اور جلد کی خشکی جیسی بیماریاں خاص طور پر سردی میں عام ہو جاتی ہیں۔ لہٰذا سردیوں میں صحت مند رہنے کے لیے چند اہم احتیاطی تدابیر اختیار کرنا نہایت ضروری ہے۔
سب سے پہلی اور اہم تدبیر لباس کی احتیاط ہے۔ سردی سے بچنے کے لیے انسان کو مکمل طور پر ڈھانپنا ضروری ہوتا ہے۔ گرم لباس مثلاً سویٹر، کوٹ، دستانے، موزے اور ٹوپی پہننا چاہیے تاکہ جسم کا درجہ حرارت برقرار رہے۔ خاص طور پر بچے، بزرگ اور کمزور افراد کو مکمل گرم کپڑوں میں رکھنا ضروری ہے کیونکہ ان کا مدافعتی نظام نسبتاً کمزور ہوتا ہے۔
سردی کی اہم تدبیر متوازن اور توانائی بخش خوراک کا استعمال ہے۔ سردی کے موسم میں جسم کو زیادہ توانائی کی ضرورت ہوتی ہے تاکہ وہ سرد ماحول کا مقابلہ کر سکے۔ اس لیے ایسی خوراک کھانی چاہیے جس میں کیلوریز، وٹامنز اور منرلز کی مقدار زیادہ ہو۔ خشک میوہ جات، شہد، دودھ، ادرک، ہلدی، یخنی، سوپ اور گرم مشروبات کا استعمال فائدہ مند ہوتا ہے۔ وٹامن سی سے بھرپور پھل جیسے کینو، مالٹا، امرود، اور لیموں قوتِ مدافعت بڑھاتے ہیں۔
سردی کے باعث جلد خشک اور پھٹنے لگتی ہے جس کے لیے موئسچرائزر، ویزلین اور لپ بام کا استعمال ضروری ہوتا ہے۔ اس کے علاوہ ہونٹ، ایڑیاں اور ہاتھ بھی خصوصی توجہ کے مستحق ہوتے ہیں۔ پانی کم پینے سے بھی جسم میں خشکی آتی ہے، اس لیے سردی میں بھی مناسب مقدار میں پانی پینا چاہیے۔
سردی میں زیاده گرمائش کے ذرائع کا محتاط استعمال ہے۔ اگر ہیٹر، بلوور یا آگ کا استعمال کیا جائے تو مناسب وینٹیلیشن کا خیال رکھنا ضروری ہے تاکہ دم گھٹنے یا گیس کے اخراج کا خطرہ نہ ہو۔ گیس لیکیج یا کاربن مونو آکسائیڈ جیسی خطرناک گیسوں سے حفاظت کے لیے احتیاطی تدابیر اختیار کی جانی چاہئیں۔
سردی میں صفائی کرنے سے بیماریوں سے بچ سکتے هے۔ نزلہ زکام جیسی بیماریوں سے بچنے کے لیے صفائی کا خاص خیال رکھنا چاہیے۔ بار بار ہاتھ دھونا، چھینک یا کھانسی کے وقت منہ ڈھانپنا، اور بیمار افراد سے فاصلہ رکھنا اہم تدابیر ہیں۔ اگر کوئی بیمار ہو جائے تو فوری ڈاکٹر سے رجوع کرنا چاہیے تاکہ بیماری بڑھے۔
سردی کے موسم میں ورزش اور ہلکی پھلکی جسمانی سرگرمی بھی ضروری ہے تاکہ خون کی گردش صحیح رہے اور جسم سست نہ ہو۔ زیادہ دیر بستر یا بیٹھے رہنے سے جوڑوں میں درد بڑھ سکتا ہے۔
سردی کا موسم اگرچہ خوبصورت ہوتا ہے مگر اس میں احتیاط نہ کرنےسے صحت کے لیے نقصان ده ہو سکتا ہے۔ مناسب لباس، صحت بخش خوراک، صفائی، اور گرمائش کی احتیاطی تدابیر اپنا کر ہم نہ صرف بیماریوں سے بچ سکتے ہیں بلکہ موسمِ سرما کا بھرپور لطف بھی اٹھا سکتے ہیں۔
