]شاہ رخ کے بیٹے کو ابھی ڈیبیو نہیں کروا رہا، کرن

ممبئی: بولی وڈ ڈائریکٹر اور پروڈیوسر کرن جوہر نے واضح کیا ہے کہ وہ شاہ رخ خان کے بیٹے آریان خان کو اپنی فلم ‘اسٹوڈنٹ آف دی ایئر’ کے سیکوئل میں ڈیبیو نہیں کروا رہے۔

انڈین ایکسپریس کی ایک رپورٹ کے مطابق جب کرن سے سوال کیا گیا کہ کیا وہ آریان خان کو ‘اسٹوڈنٹ آف دی ایئر 2’ میں لانچ کر رہے ہیں تو ان کا کہنا تھا کہ ‘آریان کو اگلے 5 سال تک اپنی تعلیم مکمل کرنی ہے، جس کے بعد وہ فیصلہ کرے گا کہ وہ فلموں میں کام کرنا چاہتا ہے یا نہیں۔’

کرن نے مزید کہا کہ ‘اسٹوڈنٹ آف دی ایئر 2’ کی کاسٹ اور کریو کے اعلان تک سب کو انتظار کرنا چاہیے۔

جب کرن سے شاہ رخ کے چھوٹے بیٹے ابرام کو کاسٹ کرنے کے حوالے سے سوال کیا گیا تو ان کا کہنا تھا وہ اگلے ماہ 3 سال کا ہوجائے گا، لہذا میں اسے 20 سال بعد اپنی فلم میں کاسٹ کروں گا، لیکن اس سے پہلے آریان کو فلموں میں متعارف کراؤں گا۔

حال ہی میں شاہ رخ خان نے کہا تھا کہ ان کا بیٹا آریان پہلے اپنی گریجویشن مکمل کرے گا اور پھراگر وہ چاہے تو بولی وڈ میں کیریئر کا آغاز کرسکتا ہے۔

کچھ عرصہ قبل ایک انٹرویو کے دوران کرن جوہر کا کہنا تھا کہ شاہ رخ کے بیٹے آریان خان کو اگر کوئی بولی وڈ میں لانچ کر سکتا ہے تو وہ صرف میں ہوں۔

کرن کا مزید کہنا تھا کہ شاہ رخ خان ان کے لیے فیملی سے بڑھ کر ہیں اور ان کا رشتہ شاہ رخ کے بعد اب ان کے تینوں بچوں سے بھی بہت خاص ہے۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے