سماجی ہم آہنگی کے لیے ریاست کی تشکیل نو کی ضروت ہے. ماہرین سماجیات

کراچی میں پاکستان انسٹی ٹیوٹ آف پیس اسٹڈیز کے زیر اہتمام سیمینار سے خطاب کرتے ہوئے معروف علمی اور سماجی شخصیات نے کہا کہ پاکستان میں اکثریت کو یہ حق حاصل نہیں کہ وہ اقلیت پر اپنی مذہبی فکر مسلط کرے.

پاکستان انسٹی ٹیوٹ آف پیس اسٹڈیز کے زیر اہتمام سندھ اور بلوچستان کی جامعات کے اساتذہ کے لئے سماجی ہم آہنگی اور مذہبی رواداری کے موضوع پر دو روزہ ورکشاپ کا انعقاد کیا گیا.

ورکشاپ سے معروف اسکالر ڈاکٹر عبد الحمید نئیر ، ڈاکٹر جعفر احمد ، پروفیسر ڈاکٹر قبلہ آیاز ، خورشید ندیم اور عامر رانا نے خطاب کیا.

مقررین نے کہا کہ معاشرے میں سماجی ہم آہنگی وقت کا تقاضا ہے اور اس کے قیام کے لئے اساتذہ اور علماء کو مل کر جدو جہد کرنا ہو گی.

مقررین نے کہا کہ دہشت گردی نے ملکی فضا کو آلودہ کر دیا ہے.اب ضرورت اس امر کی ہے کہ تمام مذاہب سے وابستہ لوگ بہتر سماج کی پرورش کے لئے سماجی ہم آہنگی کے قیام کے لئے باہمی مکالمہ شروع کریں.

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

تجزیے و تبصرے