پاکستان سے تعلق رکھنے والی نوبیل انعام یافتہ طالبہ ملالہ یوسفزئی نے او لیول میں شاندار کامیابی حاصل کرلی ہے.
لڑکیوں کی تعلیم کے حوالے سے سرگرم 18 سالہ ملالہ کی اس کامیابی کا اعلان ان کے والد ضیاء الدین یوسفزئی نے سماجی رابطے کی ویب سائٹ ٹوئٹر پر کیا
اگرچہ ملالہ لڑکیوں کی تعلیم کے حوالے سے کافی سرگرم ہیں تاہم وہ مسلسل اس بات کا بھی اظہار کرتی رہی ہیں کہ وہ اپنی تعلیم کو جاری رکھنے کی شدید خواہش مند ہیں،اور ملالہ نے یہ کر دکھایا
ملالہ کی اس کامیابی سے صرف اُن کے والد ہی خوش نہیں ہوئے بلکہ پوری دنیا میں موجود ان کے فینز بھی انھیں مبارکباد دے رہے ہیں
سابق وزیراعظم بے نظیر بھٹو (مرحوم) کی صاحبزادی آصفہ بھٹو زرداری، ملالہ یوسفزئی کو مبارکباد دینے والوں میں سرِفہرست رہیں
