برائن لارا کرکٹ اکیڈمی: ویسٹ انڈیز نے پہلے ٹیسٹ میچ میں پاکستان کو 90 رنز سے شکست دے کر سیریز کا فاتحانہ آغاز کر دیا۔
211 رنز کے ہدف کے تعاقب میں پاکستان کی پوری ٹیم 120 رنز پر ڈھیر ہوگئی۔ کپتان بابر اعظم 58 رنز بنا کر ناٹ آؤٹ رہے، جبکہ دیگر بلے باز خاطر خواہ کارکردگی نہ دکھا سکے۔ پاکستان کے آٹھ کھلاڑی ڈبل فیگر میں بھی داخل نہ ہو سکے۔
پاکستان کی جانب سے اذان اویس، امام الحق اور شان مسعود 3،3 رنز بنا کر آؤٹ ہوئے۔ علی عثمان 2، خرم شہزاد 4، جبکہ عامر جمال اور محمد علی بغیر کوئی رن بنائے پویلین لوٹ گئے۔
اس سے قبل ویسٹ انڈیز نے اپنی دوسری اننگز 181 رنز پر ختم کی اور پاکستان کو جیت کے لیے 211 رنز کا ہدف دیا۔
پاکستان کی جانب سے محمد عباس نے پانچ جبکہ خرم شہزاد اور محمد علی نے دو، دو وکٹیں حاصل کیں۔
میچ کے بعد کپتان بابر اعظم نے کہا کہ ٹیم نے مجموعی طور پر اچھی کرکٹ کھیلی، تاہم آخری روز بیٹنگ لائن اپ توقعات پر پورا نہ اتر سکی۔ انہوں نے کہا کہ 211 رنز کا ہدف قابلِ حصول تھا اور ٹیم اگلے ٹیسٹ میں بہتر کھیل پیش کرے گی۔
