سابق وزیراعلیٰ پنجاب اور قومی اسمبلی میں موجودہ قائد حزب اختلاف شہباز شریف آج رات گئے پاکستان پہنچیں گے۔
پاکستان مسلم لیگ (ن) کی ترجمان مریم اورنگزیب کا کہنا ہے کہ شہباز شریف آج رات اسلام آباد واپس پہنچ رہے ہیں۔
قومی اسمبلی میں قائد حزب اختلاف شہباز شریف آج رات وطن واپس پہنچ رہے ہیں، مریم اورنگزیب
— PML(N) (@pmln_org) March 21, 2020
مریم اورنگزیب نے جیو سے گفتفو کرتے ہوئے بتایا کہ کورونا وائرس کی صورتحال میں پاکستانی عوام مشکل میں ہیں اسے دیکھتے ہوئے شہباز شریف نے پاکستان واپسی کا فیصلہ کیاہے۔
مریم اورنگزیب نے بتایا کہ نواز شریف کا آپریشن اگلے ہفتے ہونا ہے، شہباز شریف قائد مسلم لیگ ن نواز شریف کی ہدایت پر پاکستان پہنچ رہے ہیں، نواز شریف نے شہبازشریف کو ہدایت کی ہےکہ کورونا کی صورتحال سے نمٹنے کیلئے وطن پہنچیں۔
مریم اورنگزیب کے مطابق نواز شریف نے شہباز شریف سے کہا کہ وہ آئندہ ہفتے ان کی ہارٹ سرجری کیلئے نہ رکیں۔
ترجمان ن لیگ کے مطابق شہباز شریف کا کہنا ہے وہ ڈینگی سے نمٹنے کی اپنی حکمت عملی کے تحت عوام کی مدد کریں گے۔
فضائی حدود کی بندش کا سنا کو نواز شریف سے واپسی کی اجازت مانگی، شہباز شریف
صدر مسلم لیگ (ن) میاں شہباز شریف کی پاکستان روانگی سے پہلے والدہ اور قائد محمد نواز شریف صاحب سے ملاقات pic.twitter.com/udVgxiSqls
— PML(N) (@pmln_org) March 21, 2020
اس حوالے سے خود شہباز شریف نے کہا کہ کورونا وائرس نے پاکستان اور دنیا بھر میں تباہی مچا رکھی ہے ، دعا ہے اللہ تعالی ہر پاکستانی کو کورونا وائرس سے محفوظ رکھے،پاکستان واپس آرہاہوں تاکہ عوام کے ساتھ موجود ہوں۔
انہوں نے کہا کہ نواز شریف کے دل کی سرجری ہونی تھی اس لیے رکا ہواتھا، خبر سنی کہ پاکستان کی فضائی حدود طیاروں بند کی جا رہی ہے تو نواز شریف سے کہا فضائی حدود بند ہونے پر میری رہ نمائی کریں نواز شریف نے کہا شہباز تم یقیناً پاکستان لوٹ جاؤ وہ تمہارا اولین فرض ہے، نواز شریف کی اجازت سے وطن واپسی کا فیصلہ کیا اور آج پاکستان روانہ ہورہا ہوں، بطور قائد حزب اختلاف فرض ہے کہ فوری طور پر واپس لوٹ جاؤں۔
[pullquote]شہباز شریف پاکستانی وقت کے مطابق صبح ساڑھے 5 بجے پہنچیں گے، ذرائع[/pullquote]
ذرائع کا کہنا ہے کہ شہباز شریف پاکستانی وقت کے مطابق صبح ساڑھے 5 بجے پاکستان پہنچیں گے، شہباز شریف پی آئی اے کی پرواز 786 کے ذریعے لندن سے اسلام آباد پہنچیں گے۔
ترجمان ن لیگ مریم اورنگزیب کا کہنا ہے کہ شہباز شریف نے پارٹی رہنماؤں اور کارکنوں کو ہوائی اڈے آنے سے روک دیا ہے اور کہا ہے کہ پارٹی رہنما اور کارکنان احتیاطی طبی ہدایات پر سختی سے کاربند رہیں۔
خیال رہے کہ شہباز شریف اپنے بڑے بھائی نواز شریف کے علاج کے لیے ان کے ہمراہ 19 نومبر کو لاہور سے لندن روانہ ہوئے تھے۔
[pullquote]نوازشریف کیس میں کب کیا ہوا؟[/pullquote]
21 اور 22 اکتوبر کی درمیانی شب نواز شریف کی طبعیت خراب ہوئی اور اسپتال منتقل کیاگیا
25 اکتوبر، چوہدری شوگر ملز کیس میں طبی بنیاد پر نواز شریف کی ضمانت منظور ہوئی
26 اکتوبر، العزيزيہ ریفرنس میں انسانی بنیادوں پر نوازشریف کی عبوری ضمانت منظور ہوئی
26 اکتوبر، نواز شریف کو ہلکا ہارٹ اٹیک ہوا، وزیرصحت پنجاب یاسمین راشد نے تصدیق کی
29 اکتوبر، العزيزيہ ریفرنس میں طبی بنیاد پر نوازشریف کی 2 ماہ کے لیے سزا معطل کردی گئی
نوازشریف سروسزاسپتال سے ڈسچارج ہوئے، جاتی امرا میں آئی سی یوبناکرمنتقل کیا گیا
8 نومبر، شہباز شریف نے وزارت داخلہ کو نوازشریف کا نام ای سی ایل سے نکالنے کی درخواست دی
12 نومبر، وفاقی کابینہ نے نوازشریف کو باہر جانے کی مشروط اجازت دی
14 نومبر، ن لیگ نے انڈيمنٹی بانڈ کی شرط لاہور ہائیکورٹ میں چیلنج کردی
16 نومبر، لاہور ہائیکورٹ نے نواز شریف کو علاج کے لیے بیرون ملک جانے کی اجازت دے دی
19 نومبر، نواز شریف علاج کے لیے لندن روانہ ہوگئے
