وزارت داخلہ نے افغانستان کے ساتھ سرحد کھولنے کا نوٹیفکیشن جاری کردیا ہے۔
وزارت داخلہ کے اعلامیے کے مطابق طورخم اور چمن کے مقامات سے سرحد ہفتے میں 6 روز کھلی رہے گی۔
پاک افغان سرحد کھولنےکافیصلہ نیشنل کمانڈ اینڈ آپریشنل سینٹر(این سی اوسی) کے15مئی کےاجلاس میں کیا گیا۔
اس سے قبل ڈپٹی کمشنر ضلع خیبر محمود اسلم وزیر کا کہنا تھا کہ وفاقی حکومت کے احکامات کی روشنی میں سرحد کو کھول دیا گیا ہے جو ہفتے میں 5 دن ٹرانزٹ اور ایک دن پیدل آمدورفت کے لیے کھلی رہےگی۔
ڈپٹی کمشنر نے بتایا کہ سرحد کی بحالی سے افغانستان میں پھنسے پاکستانی وطن واپس آسکیں گے جب کہ پاکستان سے افغانستان جانے والے شہریوں کے لیے بھی سرحد کھل گئی ہے۔
