مسلم لیگ (ن) کی نائب صدر مریم نواز نے فادر ڈے کے موقع پر والد نواز شریف کی جانب سے جیل میں لکھا گیا خط ٹوئٹر پر شيئر کردیا۔
نواز شریف کی جانب سے بیٹی کو لکھے گئے خط پر 11 اکتوبر 2019 کی تاریخ میں درج ہے جس میں وہ مریم نواز کو ہمت اور حوصلہ رکھنے کی تلقین کی کررہے ہیں۔
خط کے ساتھ پوسٹ کرتے ہوئے مریم نواز نے کہاکہ آج فادر ڈے کے موقع پر اس چھوٹے سے خط سے بڑا کوئی ٹریبیوٹ نہیں، ایک سے دوسرے انتقام تک جاتے ہوئے بھی باپ کو اپنی ذات کی فکر نہیں۔
میرے لئے ہر دن ہی #FathersDay ہے مگر آج کے دن اس چھوٹے سے خط سے بڑا کوئی tribute نہیں۔ کہ ایک انتقام سے دوسرے انتقام کی طرف جاتے ہوئے بھی باپ کو اپنی ذات کی نہیں, دوسری کال کوٹھڑی میں پڑی بیٹی کی فکر ہے۔
ایسے والد پر قربان کرنے کے لئے ایک زندگی بہت کم ہے! pic.twitter.com/YGL7pgmfYM— Maryam Nawaz Sharif (@MaryamNSharif) June 21, 2020
انہوں نے کہا کہ نوازشریف کو کال کوٹھری میں پڑی بیٹی کی فکر ہے، ایسے والد پر قربان کرنے کے لیے ایک زندگی بہت کم ہے۔
خیال رہے کہ سابق وزیر اعظم نواز شریف گزشتہ سال نومبر سے لندن میں مقیم ہیں جہاں وہ مختلف بیماریوں کا علاج کرارہے ہیں۔
