دنیا نے موسمیاتی تبدیلی نوٹس نہ لیا تو آئندہ نسلیں خطرے سے دوچار ہوں گی

وزیراعظم عمران خان نے ماحولیاتی تغیر سے متعلق آسٹرین ورلڈ سمٹ سے خطاب میں کہا ہے کہ اگر موسمیاتی تبدیلی کا دنیا نوٹس نہیں لے گی تو آئندہ نسلیں شدید خطرے سے دوچار ہوں گی۔

اپنے خطاب میں وزیراعظم عمران خان نے کہا کہ آج پوری دنیا کو ماحولیاتی تغیرات اور اس سے وابستہ چیلنج دکھائی دے رہا ہے، دنیا کا درجہ حرارت بڑھ رہا ہے، قطبین سے برف پگھل رہی ہے، یورپ میں بڑھتے ہوئے درجہ حرارت کے اثرات نمایاں ہیں۔

وزیراعظم نے کہا کہ آسٹریلیا میں جنگلات آگ کی لپیٹ میں ہیں، دریاؤں کو زندگی بخشنے والے گلیشئرز تیزی سے پگھل رہے ہیں۔

انہوں نے کہا کہ 7 سال پہلے ہمیں خیبرپختونخوا صوبے میں اقتدار ملا، خیبرپختونخوا میں ہم نے 1 ارب درخت لگانے کا ہدف حاصل کیا، مرکز میں حکومت ملی تو ہم نے 10 ارب درخت اگانے کا فیصلہ کیا۔

انہوں نے کہا کہ اقوام عالم آگے بڑھیں اور مل کر ماحولیاتی تغیر کا مقابلہ کریں۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے