26 نومبر سے تعلیمی ادارے بند کیے جانے سے متعلق فیصلہ آنے کے بعد سوشل میڈیا پر وزیر تعلیم شفقت محمود کا نام ٹاپ پر ٹرینڈ کرتا رہا۔
یہی نہیں بچوں نے پاکستان کے اگلے وزیراعظم کے لیے بھی وزیر تعلیم شفقت محمود کو منتخب کرتے ہوئے فیصلہ سنا دیا۔
طلبہ نے شرارتی چٹکلوں کے ذریعے اپنی خوشی کا اظہار کیا اور شفقت محمود کے حوالے سے طرح طرح کے دلچسپ میمز بنا کر شیئر کیے۔
کسی نے وفاقی وزیر تعلیم کو ہیرو کہا تو کسی نے دلوں کا راجہ جب کہ کچھ لوگوں نے تو انہیں بچوں کا وزیراعظم قرار دے دیا۔
اسی طرح ایک میم میں لکھا تھا کہ ‘ہم لیپ ٹاپ نہیں۔۔۔چھٹیاں بانٹتے ہیں’۔
#BreakingNews#Shafqatmehmood on rock pic.twitter.com/kDf4IIeVYw
— Majeed Sultan Khokhar (@MajeedSultanKh2) November 24, 2020
سوشل میڈیا پر ایک ویڈیو خاصی مقبول ہو رہی ہے جس میں اسلامیہ یونیورسٹی پشاور کے طلبہ تعلیمی ادارے بند ہونے کے اعلان کے بعد نعرے لگا رہے ہیں۔
طلبہ کو یہ نعرے لگاتے سنا گیا کہ "جب تک سورج چاند رہے گا شفقت تیرا نام رہے گا۔”
کچھ صارفین نے کہا شفقت نے شفقت دکھا دی جب کہ کچھ طلبہ نے تو شفقت محمود کو کنفرم جنتی قرار دے دیا اور بہترین وزیر تعلیم کی سند بھی تھما دی۔
سوشل میڈیا پلیٹ فارم پر منچلوں نے شرارتی چٹکلوں کا ڈھیر لگا دیا،کہیں انہیں کورونا، سردی اور امتحانوں سے بچانے والا ہیرو دکھایا گیا تو کہیں تاج پہنا کر بادشاہ بنا دیا گیا۔
Worried of exams, assignments, quizzes, presentation?? Don't worry we have #Shafqatmehmood pic.twitter.com/TGbj8YVPDI
— PhupoO kA betA (@PhupoO_kA_betA) November 24, 2020
کسی نے کہا دنیا میں یوں تو ایپل پائے، پمکن پائے، چیری پائے جیسی ایک سے بڑھ کر ایک میٹھی سوغاتیں موجود ہیں لیکن اگر cutie pie کوئی ہے تو صرف شفقت انکل ہیں۔
Esat and West #Shafqatmehmood is the Best. ??❤️ pic.twitter.com/i2CUv76fXT
— Phopho_acidic (ⒻⓄⓁⓁⓄⓌ ⓂⒺ ⓄⓃ ⒾⓃⓈⓉⒶ @phopho_acidic) (@phopho_acidic) November 24, 2020
کسی نے صوبائی وزیر سعید غنی اور وفاقی وزیر تعلیم کے درمیان مکالمے کی پیروڈی پیش کردی۔
ایک طالب علم نے وزیر تعلیم کی سن گلاسز میں تصویر پوسٹ کرتے ہوئے لکھا انکل آپ کو سورج تو نہیں ستا رہا؟
تو دوسرے کا کہنا تھا کہ اگر آج الیکشن کا اعلان ہو جائے تو 272 حلقوں سے اکیلے شفقت انکل جیت جائیں گے۔
صدر مملکت ڈاکٹر عارف علوی نے بھی وزیر تعلیم شفقت محمود کے اسکول بند کرنے کے فیصلے کو سراہتے ہوئے کہا کہ بچے کووڈ کی وجہ سے تعلیمی ادارے بند کرنے پر خوش ہیں اور وہ خوبصورت انداز میں اس فیصلے کو سراہ رہے ہیں۔
عارف علوی نے کہا کہ پاکستان خوش رہنے والے لوگوں کا ملک ہے اور کوئی بھی ہم سے یہ چھین نہیں سکتا، اللہ ہمیں نظر بد سے دور رکھے۔
@Shafqat_Mahmood phenomenon was remarkable. Youth were pleased on decision of school/college closure because of Covid. They showed their appreciation in such a beautiful manner. Pakistan is a country of happy people. Let nobody take that away from us اللہ نظر بد سے ہمیں دور رکھے
— Dr. Arif Alvi (@ArifAlvi) November 24, 2020
