لاہور: محکمہ داخلہ پنجاب نے دفعہ 144کے تحت صوبے میں آؤٹ ڈور ڈرون اڑانے پر 30 روز کے لیے پابندی لگا دی۔
ترجمان محکمہ داخلہ پنجاب کے مطابق دفعہ144کے تحت یہ پابندی سکیورٹی خدشات کے پیشِ نظر ڈرون کے استعمال پر عائدکی گئی ہے، شادی ہالز اور مارکیز کے اندر تقریبات میں چھوٹے ڈرون کے محدود استعمال کی اجازت ہوگی۔
ترجمان نے بتایا کہ اندرونی تقریبات میں ڈرون کے محفوظ استعمال کی ذمہ داری منتظمین پر عائد ہوگی، انٹیلیجنس اور قانون نافذ کرنے والے ادارے پابندی سے مستثنیٰ قرار دیئے گئے ہیں۔
محکمہ داخلہ پنجاب کے ترجمان کے مطابق ڈرون کے محفوظ استعمال کی تحریری اجازت کیلئے سیف ڈرون یوزیج کمیٹی تشکیل دی ہے، تحقیقی مقاصد کیلئے ڈرون استعمال کی تحریری اجازت سیف ڈرون یوزیج کمیٹی دےگی، اسی لیے سیف ڈرون یوزیج کمیٹی کی اجازت سے ڈرونز کا استعمال پابندی سے مستثنیٰ ہو گا۔
