مشہور پاکستانی کپڑوں کی برانڈ کھادی نے اپنے ۱۸ سال مکمل کرلیے ہیں۔
سال ۱۹۸۸ میں ایک چھوٹی سی دکان سے شروع کیے جانے والے کاروبار نےآج پاکستان کے سب سے زیادہ پسند کیے جانے اور فروخت ہونے والے برانڈ کی شکل اختیار کرلی ہے۔ کھادی کے دنیا بھر میں کل ۵۰ سٹورز موجود ہیں۔
کھادی کے بانی اور مالک شمعون سلطان کا کہنا ہے کہ انہوں نے اپنی برانڈ کو ایک مکمل فیشن ہاؤس کی شکل دے دی ہے جس کا مقصد پاکستان کے ثقافتی کپڑے کو جدید انداز کی سلائی کے ساتھ پیش کرنا ہے۔
شمعون سلطان کہنا ہے کہ ’تعلیم مکمل کرنے کے بعد میں نے اپنے خاندانی کاروبارکے برعکس کپڑوں کا کاروبار اختیار کیا جو میری زندگی کا سب سے بڑا فیصلہ تھا۔میں نے اپنا کام ہاتھ سے چلانے والی صرف پانچ کھاڈیوں کے ساتھ شروع کیا اور پھر ان اٹھارہ سالوں میں زندگی نے مجھے بہت کچھ سکھایا۔ اور آج میری فیکٹری پانچ پروڈکشن ہاؤسز پر مشتمل ہے جہاں سیکڑوں کی تعداد میں کاریگر کام کررہے ہیں۔ اس سب میں میرے خاندان، میری ٹیم اور میرے خریداروں کا ہاتھ ہے۔‘
کھادی کی ۱۸ سالہ تقریبات کے موقع ہر ایک نغمہ ’چھو لیا آسمان‘ بھی جاری کیا گیا ہے جسے آل گرل بیبڈ نے گایا ہے۔
