سندھ کابینہ کی اے ڈی خواجہ کو عہدے سے ہٹانے کی منظوری

کراچی: سندھ کابینہ نے انسپیکٹر جنرل پولیس (آئی جی پی) اے ڈی خواجہ کو عہدے سے ہٹانے کی منظوری دے دی۔

وزیر اعلیٰ ہاؤس سے کابینہ کی جانب سے دی گئی اس منظوری کی تصدیق کی گئی۔

اے ڈی خواجہ کی خدمات وفاق کو واپس کرنے کی منظوری وزیر اعلیٰ سندھ مراد علی شاہ کی زیر صدارت صوبائی کابینہ کے اجلاس میں دی گئی۔

سندھ کابینہ نے ایڈیشنل آئی جی سردار عبدالمجید دستی کی صوبائی پولیس چیف کے طور پر تقرری کی بھی منظوری دی۔

کابینہ کے اجلاس میں یہ فیصلے آڈیٹر جنرل سندھ بیرسٹر ضمیر گھومرو کی جانب سے، معاملے پر سندھ ہائی کورٹ کے فیصلے سے متعلق بریفنگ کے بعد کیے گئے۔

یاد رہے کہ چند روز قبل سندھ ہائی کورٹ نے، اے ڈی خواجہ کو عہدے سے ہٹائے جانے سے متعلق سندھ حکومت کا نوٹیفکیشن معطل کردیا تھا۔

صوبائی حکومت نے اے ڈی خواجہ کو آئی جی کے عہدے سے ہٹا کر 21 گریڈ کے پولیس افسر سردار عبدالمجید دستی کو قائم مقام آئی جی سندھ کا چارج سونپا تھا۔

سندھ ہائی کورٹ نے عبدالمجید دستی کی بطور قائم مقام آئی جی تقرری بھی معطل کردی تھی۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

آئی بی سی فیس بک پرفالو کریں

تجزیے و تبصرے