بھارتی پنجاب کے علاقے سولر گھات کے رہائشی سکھ نوجوان اندرپال سنگھ نے اپنے اس انسانی جذبہ کی وجہ سے خود کو ہیرو بنا لیا ہے۔
غیر ملکی خبر رساں ادارے کی رپورٹ کے مطابق اندرپال سنگھ اپنے علاقے سے گزر رہا تھا کہ اچانک اس نے نہر سے مدد کیلئے پکارنے کی آوازیں سُنیں۔
اندرپال سنگھ نہر کے قریب گیا تو اس نے دیکھا کہ چار کم عمر لڑکے مدد کیلئے چیخ و پکار کر رہے ہیں۔ اس سکھ نوجوان کو کچھ سمجھ
نہیں آ رہی تھی کہ وہ ان نو عمر لڑکوں کی کس طرح مدد کرے؟ کیونکہ ذرا سی بھی دیر ان کی جان لے سکتی تھی۔
اندرپال سنگھ نے اپنے مذہبی عقائد کو بالائے طاق رکھتے ہوئے اپنی پگڑی کھولی اور ڈوبتے ہوئے نوعمر لڑکوں کی طرف پھینک دی اور باری باری چاروں لڑکوں کو کنارے پر کھینچ لیا۔
