اسلام آباد کی جامعہ لال مسجد کے خطیب مولانا عبدالعزیز اور اسلام آباد کی مقامی انتظامیہ میں ایک عارضی معاہدہ ہوگیا ہے۔
ذرائع کا کہنا ہے کہ مستقل معاہدے کیلئے مولانا عبدالعزیز نے انتظامیہ کو سمجھوتے کیلئے اپنی شرائط پیش کر دی ہیں ان میں لاہور سے گرفتار اپنے داماد کی رہائی، لال مسجد آنے جانے کی آزادی اور سکیورٹی کی فراہمی شامل ہیں۔
ذرائع نے دعوی کیا ہے کہ یہ مذاکرات ایک خفیہ مقام پر ہوئے اور یہ سمجھوتہ دو ہفتوں کیلئے ہوا ہے ۔
ان دو ہفتوں میں مولانا عبدالعزیز لال مسجد خطبہ جمعہ کیلئے بھی نہیں آئیں گے۔ اس طرح لال مسجد کے معاملے پر بڑھتا ہوا خطرہ دو ہفتوں کیلئے ٹل گیا ہے
