پاکستان میں جمعے کو کورونا وائرس کے مزید 179 کیسز رپورٹ ہوئے ہیں جن میں سے خیبرپختونخوا میں 57، پنجاب میں 85، سندھ میں 19، گلگت بلتستان میں 16 اور اسلام آباد میں 2 کیسز کی تصدیق ہوئی
پاکستان کے سب سے زیادہ آبادی والے صوبہ پنجاب میں کورونا وائرس کے مزید دو مریض دم توڑ کے گئے جس کے بعد ملک میں ہلاکتوں کی مجموعی تعداد 10 ہوگئی جبکہ پنجاب متاثرہ مریضوں کی تعداد میں بھی دیگر صوبوں سے آگے نکل گیا۔
پنجاب میں چوتھی ہلاکت لاہور کے میو اسپتال میں ہوئی جہاں 73 سالہ بزرگ مریض انتقال کرگیا۔
محکمہ صحت پنجاب نے بھی صوبے میں چوتھی ہلاکت کی تصدیق کی ہے جس کے بعد ملک میں کورونا وائرس سے انتقال کرجانے والے مریضوں کی مجموعی تعداد 10 ہوگئی ہے۔
سرکاری اعداد و شمار کے مطابق اب تک پنجاب میں 4، خیبرپختونخوا میں 3 جبکہ سندھ، بلوچستان اور گلگت بلتستان میں ایک ایک ہلاکت رپورٹ ہوئی ہے۔
[pullquote]ملک میں کورونا وائرس کی آج کی صورتحال[/pullquote]
پاکستان میں جمعے کو کورونا وائرس کے مزید 179 کیسز رپورٹ ہوئے ہیں جن میں سے خیبرپختونخوا میں 57، پنجاب میں 85، سندھ میں 19، گلگت بلتستان میں 16 اور اسلام آباد میں 2 کیسز سامنے آئے ہیں۔
نئے کیسز رپورٹ ہونے کے بعد ملک میں متاثرہ مریضوں کی تعداد 1373 تک جا پہنچی ہے جبکہ پاکستان میں مہلک وائرس سے اب تک 27 افراد صحتیاب ہوچکے ہیں جن میں سے 14 کا تعلق سندھ، 6 کا گلگت بلتستان، اسلام آباد، خیبر پختونخوا اور بلوچستان میں سے 2، 2 جبکہ ایک کا پنجاب سے تعلق ہے۔
[pullquote]پنجاب[/pullquote]
آج پنجاب میں اب تک کورونا وائرس کے 14 نئے کیسز سامنے آچکے ہیں جس کے بعد صوبے میں کیسز کی مجموعی تعداد 419 ہوگئی ہے جس کی تصدیق صوبائی محکمہ صحت کی جانب سے کی گئی۔
پنجاب میں کورونا وائرس کے 419 کنفرم مریض ہیں-
لاہور 104
گجرات 22
گوجرانوالہ 8
جہلم 19
راولپنڈی 14
ملتان 3
فیصل آباد 5
منڈی بہاوالدین 3
ناروال ,رحیم یار خان,سرگودھا , اٹک,
1 بہاولنگر
میانوالی 2
زائرین (ملتان ) 19
زائرین (ڈی جی خان ) 207
5 ڈی جی خان
محکمہ صحت پنجاب نے ٹوئٹر کے ذریعے بتایا کہ لاہور میں 104، گجرات 22، گوجرانوالہ 8، جہلم 19، راولپنڈی 14، ملتان 3، فیصل آباد 5، منڈی بہاؤ الدین 3، میانوالی 2، ڈی جی خان 207 اور 5 زائرین جب کہ نارووال، رحیم یار خان، سرگودھا، اٹک اور بہاول نگر میں ایک ایک کیسز ہیں۔
پنجاب میں کورونا وائرس سے اب تک 3 مریض جاں بحق ہوچکے ہیں جن میں سے ایک مریض راولپنڈی اور 2 لاہور میں جاں بحق ہوئے۔
[pullquote]پنجاب میں پہلا مریض صحت یاب[/pullquote]
کرونا وائرس کے حوالے سے جنوبی پنجاب میں پہلی اچھی خبر سامنے آئی ہے جہاں مظفرگڑھ کے رجب طیب اردوان اسپتال میں زیرعلاج کرونا وائرس سے متاثرہ پہلی خاتون صحتیاب ہوگئیں جنہیں گھر منتقل کر دیا گیا ہے۔
[pullquote]اسلام آباد[/pullquote]
جمعہ کے روز سرکاری پورٹل پر اسلام آباد میں مزید 2 کیسز رپورٹ کیے گئے جس کے بعد وفاقی دارالحکومت میں مجموعی کیسز کی تعداد 27 ہوگئی ہے تاہم ضلعی انتظامیہ کی جانب سے ان کیسز کی کوئی تصدیق سامنے نہیں آئی۔
[pullquote]سندھ[/pullquote]
سندھ میں آج اب تک کورونا وائرس کے مزید 19 کیسز سامنے آئے ہیں جس کے بعد صوبے میں مجموعی طور پر کیسز کی تعداد 440 ہوگئی ہے جس کی تصدیق محکمہ صحت کی جانب سے کی گئی ہے۔
محکمہ صحت کے مطابق 11 نئے کیسز کراچی میں سامنے آئے جو لوکل ٹرانسمیشن کے ہیں اور حیدرآباد میں لوکل ٹرانسمیشن کا ایک کیس سامنا آیا جب کہ لاڑکانہ میں ایران سے آئے 7 زائرین میں کورونا وائرس کی تصدیق ہوئی۔
محکمہ صحت کے مطابق کراچی میں نئے کیسز کے بعد شہر میں کیسز کی کل تعداد 164 ہوگئی ہے جب کہ حیدرآباد میں 3 کیسز ہوچکے ہیں۔
محکمہ صحت کے مطابق سکھر میں کورونا وائرس میں مبتلا زائرین کی تعداد 265 اور لاڑکانہ میں 7 ہے۔
محکمہ صحت کے مطابق سندھ میں اب تک 14 مریض صحت یاب ہوچکے ہیں جن میں سے 13 کا تعلق کراچی اور ایک کا حیدرآباد سے ہے جب کہ اب تک سندھ میں ایک ہلاکت ہوئی ہے۔
[pullquote]خیبرپختونخوا[/pullquote]
خیبر پختونخوا میں کورونا وائرس کے مزید 53 کیسز سامنے آئے جس کی تصدیق صوبائی ترجمان اجمل وزیر نے پریس کانفرنس میں کی۔
اجمل وزیر نے بتایا کہ صوبے میں وائرس کے مصدقہ کیسز کی تعداد 176 ہوگئی ہے جب کہ صوبے میں اب تک اموات کی تعداد 3 ہے۔
واضح رہےکہ کے پی کے میں جمعرات کو کورونا وائرس کے 2 مریض صحتیاب ہوگئے جنہیں اسپتال سے فارغ کردیا گیا۔
[pullquote]بلوچستان[/pullquote]
بلوچستان میں آج اب تک کورونا کا کوئی کیس رپورٹ نہیں ہوا۔
جمعرات کو صوبے میں کورونا وائرس کے مزید 12 کیسز سامنے آئے تھے جس کے بعد مصدقہ کیسز کی تعداد 131 ہوگئی جس کی تصدیق صوبائی حکومت کے ترجمان کی جانب سے کی گئی۔
جعمرات کو رات گئے صوبائی حکومت کے ترجمان نے بتایا کہ صوبے میں 39 افرادکے ٹیسٹ کیے گئے جن میں سے ایک میں بھی کورونا کی تصدیق نہیں ہوئی۔
خیال رہے کہ بلوچستان میں بھی کورونا وائرس سے ایک شخص جاں ہوچکا ہے۔
[pullquote]گلگت بلتستان[/pullquote]
گلگت بلتستان میں جمعے کو کورونا کے مزید 16 کیسز سامنے آئے۔ مشیر مشیر اطلاعات گلگت بلتستان کے مطابق گلگت میں کورونا سے متاثرہ افراد کی تعداد 103ہو گئی ہے۔
انہوں نے بتایا کہ نئے تصدیق شدہ مریضوں کا تعلق بلتستان ڈویژن سے ہے۔ اس کے علاوہ 3 افرادکی تازہ رپورٹ نیگیٹو آنے پر آئسولیشن سینٹر سے ڈسچارج کیا گیا ہے۔
گلگت میں بدھ کے روز 2 مریض صحتیاب ہوئے تھے جس کے بعد صحتیاب مریضوں کی تعداد 6 ہوگئی تھی۔
خیال رہے کہ گلگت بلتستان میں کورونا وائرس کی تشخیص کرنے والے ڈاکٹر اسامہ خود بھی اسی مہلک وبا سے انتقال کرچکے ہیں۔
[pullquote]آزاد کشمیر[/pullquote]
جمعرات کے روز میرپور آزاد کشمیر ایک اور مریض میں کورونا وائرس کی تصدیق ہوئی جس کے بعد آزاد کشمیرمیں کورونا وائرس کے مریضوں کی تعداد 2 ہوگئی ہے۔
ڈپٹی کمشنرطاہر ممتاز کے مطابق 37 سالہ متاثرہ مریض 17 مارچ کو برطانیہ سے آیا تھا اور اسے دو روز قبل قرنطینہ میں منتقل کیا گیا تھا۔
[pullquote]ملک بھر میں لاک ڈاؤن[/pullquote]
پاکستان میں کورونا وائرس سے متاثرہ افراد کی تعداد میں مسلسل اضافے کے بعد چاروں صوبے لاک ڈاؤن کا اعلان کرچکے ہیں جب کہ ملک بھر میں فوج تعینات ہے۔
آزاد کشمیر میں بھی منگل سے 3 ہفتوں کا لاک ڈاون شروع ہو گیا۔
[pullquote]سندھ اور پنجاب میں باجماعات نماز پر پابندی عائد[/pullquote]
کورونا وائرس کے پھیلاؤ کو روکنے کے لیے سندھ حکومت نے ایک اور بڑا فیصلہ کرتے ہوئے صوبے بھر کی مساجد میں نماز کے اجتماعات پر پابندی عائد کردی جو 27 مارچ سے 5 اپریل تک ہوگی۔
سندھ کے بعد پنجاب حکومت نے بھی اس سلسلے میں آج ایک ایڈوائزری جاری کی اور مساجد میں نمازیوں کی تعداد محدود کرتے ہوئے اجتماعات پر پابندی لگادی۔ مزید پڑھیں۔۔
[pullquote]ملک بھر میں تمام مسافر ٹرینیں بند[/pullquote]
وزارت ریلوے نے 24 مارچ کی رات 12 بجے سے ملک بھر میں ٹرین آپریشن معطل کردیا ہے جس کے تحت 31 مارچ تک مسافر ٹرینیں بند رہیں گے۔ مزید پڑھیں۔۔
[pullquote]توبہ استغفار کے بغیر چھٹکارا ممکن نہیں، علمائے کرام[/pullquote]
ملک کے جید علمائے کرام نے فتویٰ دیا ہے کہ وبا سے احتیاطی تدابیر کو اپنانا نبیﷺ کی سنّت ہے اور توبہ استغفار کے بغیر کورونا وائرس سے چھٹکارا ممکن نہیں۔
[pullquote]حکومت کا معاشی پیکیج[/pullquote]
کورونا وائرس کی موجودہ صورتحال کے پیش نظر حکومت نے معاشی پیکیج کا اعلان کردیا ہے جس کے تحت پیٹرول اور ڈیزل 15 روپے فی لیٹر سستا کردیا گیا ہے جب کہ مزدوروں کے لیے 200 ارب روپے مختص کیے گئے ہیں۔
[pullquote]کورونا سے انتقال کرنیوالوں کو تابوت میں دفنانے کی ہدایت[/pullquote]
خیبر پختونخوا کے محکمہ ریلیف و بحالی نے کورونا وائرس سے انتقال کرنے والے افراد کی تدفین سے متعلق گائیڈ لائنز جاری کردی ہیں۔
محکمے نے کورونا وائرس سے انتقال کرنے والوں کا غسل اور تدفین کرنے والوں کو ماسک، دستانے اور دیگر حفاظتی تدایبر اختیار کرنے کی ہدایت کی ہے۔
اعلامیے کے مطابق کورونا وائرس سے انتقال کرنے والوں کو پلاسٹک کور میں بند کرکے تابوت میں دفن کیا جائے، غسل کے دوران استعمال ہونے والے اشیاء کو فوری تلف کیا جائے جب کہ قریبی رشتہ داروں کو میت تابوت کے گلاس پین ونڈو میں دیکھنے کی اجازت ہوگی۔
