علی بابا اور جیک ما فاؤنڈیشن کی طرف سے 56 ہزار ٹیسٹنگ کٹس و دیگر سامان لے کر دوسرا طیارہ کراچی پہنچا، خنجراب پاس کے ذریعے بھی طبی سامان پاکستان کے حوالے کیا گیا۔
خطرناک کورونا وائرس سے نمٹنے کے لیے ہمسایہ ملک چین سے ٹیسٹنگ کٹس اور دیگر طبی سامان پر مشتمل دوسری کھیپ پاکستان پہنچ گئی۔
ترجمان این ڈی ایم اے کے مطابق چین سے ایک جہاز 56 ہزار ٹیسٹنگ کٹس، این 95 ماسک اور دیگر طبی سازو سامان لے کر کراچی پہنچ گیا جو کہ علی بابا اور جیک ما فاؤنڈیشن کی طرف سے آنے والے سامان کی یہ دوسری کھیپ ہے۔
#ChinaPakSolidarity China in Action: The Chinese side unloaded the medical supplies, waiting to meet the Pakistani brothers at the Khunjerab Pass @ArifAlvi @ImranKhanPTI @ForeignOfficePk @zfrmrza @MFA_China @GovernorGB @CMGBPK pic.twitter.com/urUh9n9vYG
— Chinese Emb Pakistan (@CathayPak) March 27, 2020
اس کے علاوہ خنجراب پاس کے ذریعے بھی طبی سامان پاکستان کے حوالے کیا گیا ہے۔
#ChinaPakSolidarity China in Action: Medical supplies from Xinjiang, China to Pakistan is delievered through Khunjerab (5,000m) port today,highest land port on Earth (to be continued) @ArifAlvi @ImranKhanPTI @ForeignOfficePk @zfrmrza @MFA_China @GovernorGB @CMGBPK pic.twitter.com/C9TnmalKI7
— Chinese Emb Pakistan (@CathayPak) March 27, 2020
کراچی پہنچنے والا سامان جناح انٹرنیشنل ائیرپورٹ پر گورنر سندھ عمران اسماعیل نے وصول کیا۔
ان کا کہنا تھا کہ مشکل وقت میں پاکستان کا ساتھ دینے پر چین کا شکریہ اداکرتے ہیں، چین سے مزید طبی ساز و سامان جلد وصول ہوگا۔
خیال رہے کہ اس سے قبل 25 مارچ کو بھی چین سے این 95 ماسک اور دیگر حفاظتی سامان لے کر ایک طیارہ کراچی پہنچا تھا۔
واضح رہے کہ گزشتہ دنوں علی بابا کے بانی جیک ما نے پاکستان سمیت چند ایشیائی ممالک کو کورونا وائرس سے نمٹنے کے لیے امدادی سامان دینے کا اعلان کیا تھا۔
کراچی کے ساتھ ساتھ آج چین سے خنجراب پاس کے ذریعے طبی سامان کی ایک کھیپ پاکستان کے حوالے کی گئی۔
چینی سفارتخانے کے مطابق مشکل گھڑی میں یہ چین کا پاکستان کے ساتھ اظہار یکجہتی، سنکیانگ سے طبی سامان کی کھیپ خنجراب پاس پہنچ گئی۔
چینی سفارتخانے کے مطابق پاکستان اور چین نے دونوں اطراف سڑکوں سے برف صاف کرکے سپلائی کو یقینی بنایا۔
[pullquote]پاکستان میں کورونا کی صورتحال[/pullquote]
پاکستان میں کورونا وائرس سے ہلاکتوں کی تعداد 9 ہوگئی جبکہ مزید کیسز سامنے آنے کے بعد تعداد 1235 تک جا پہنچی ہے۔
ملک میں اب تک کورونا وائرس سے ہونے والی 9 ہلاکتیں میں سے پنجاب میں 3، خیبرپختونخوا میں 3 جب کہ سندھ، بلوچستان اور گلگت بلتستان میں ایک ایک ہلاکت رپورٹ ہوئی ہے۔
