وزیراعظم عمران خان نے کہا ہے کہ 24 سال پہلے آج ہی کے دن پاکستان تحریک انصاف (پی ٹی آئی) نے جناح کے تصور پر پاکستان کو ایک جدید اسلامی فلاحی ریاست بنانے کے اپنے مشن کا آغاز کیا تھا۔
24برس قبل آج ہی کےدن تحریک انصاف نے قائد کےویژن کی روشنی میں پاکستان کوایک جدیداسلامی فلاحی ریاست کیصورت میں ڈھالنےکےاپنےنصب العین کیجانب سفرکا آغازکیا۔اس مقصد کیلئےہمیں درج ذیل سنگ میل عبور کرناتھے:
1.قانون کی ایسی بالادستی کا قیام کہ اسکی نظرمیں سب برابراورطاقتور اسکےتابع ہوں۔— Imran Khan (@ImranKhanPTI) April 25, 2020
سماجی رابطوں کی ویب سائٹ ٹوئٹر پر جاری پیغام میں عمران خان نے کہا کہ اس مشن کی تکمیل کے لیے چند مقاصد کا حصول ضروری تھا۔
24برس قبل آج ہی کےدن تحریک انصاف نے قائد کےویژن کی روشنی میں پاکستان کوایک جدیداسلامی فلاحی ریاست کیصورت میں ڈھالنےکےاپنےنصب العین کیجانب سفرکا آغازکیا۔اس مقصد کیلئےہمیں درج ذیل سنگ میل عبور کرناتھے:
1.قانون کی ایسی بالادستی کا قیام کہ اسکی نظرمیں سب برابراورطاقتور اسکےتابع ہوں۔— Imran Khan (@ImranKhanPTI) April 25, 2020
وزیراعظم عمران خان کا کہنا تھا کہ ان مقاصد میں قانون کی بالادستی، امیرو غریب کے فرق کے بغیر انصاف کی فراہمی اور طاقتور کو قانون کے زیردست لانا شامل تھا۔
انہوں نے کہا کہ غریب کو غربت سے نکالنے کے لیے ریاست اور قومی وسائل کو امیر طبقے کے تسلط سے آزاد کراکے وسائل کی یکساں تقسیم کو یقینی بنانا تھا۔
وزیراعظم عمران خان نے کہا کہ تحریک انصاف کی جدوجہد دوسری سیاسی جماعتوں کی نسبت طویل اور کٹھن رہی ہے، آج میں نعیم الحق، احسن رشید اور سلونی بخاری سمیت اپنے ان بانی ساتھیوں کو یاد کرنا چاہتا ہوں جو اب ہم میں نہیں رہے۔
خیال رہے کہ عمران خان نے دیگر ساتھیوں کے ساتھ مل کر 25 اپریل 1996 میں پاکستان تحریک انصاف کی بنیاد رکھی تھی اور 22 سال کی جدوجہد کے بعد 2018 کے عام انتخابات میں پاکستان تحریک انصاف نے واضح اکثریت سے کامیابی حاصل کی اور حکومت بنائی جبکہ عمران خان وزارت عظمیٰ کے منصب پر فائز ہوئے۔
