پشاور: خیبرپختونخواہ کے بالائی علاقوں میں موسم سرما کی برفباری جبکہ میدانی علاقوں میں موسلادھار بارش کا آغاز ہوگیا جو آئندہ دو روز تک جاری رہے گا۔
خیبرپختونخواہ کے بالائی علاقے بابو سر ٹاپ، بٹہ کنڈی، جھیل سیف الملوک، مالم جبہ، کالام میں شدید برفباری ہوئی، جس کے بعد درجہ حرارت نقطہ انجماد سے نیچے آگیا۔ محکمہ موسمیات نے آئندہ 48 گھنٹوں تک وقفے وقفے سے سلسلہ جاری رہنے کی پیش گوئی کی ہے۔
WESTERN DISTURBANCE: Peshawar Main Kuch Dair Pheley Garaj Chamamak key Sath Mausladhaar Barish aur Zalabari key manazir 😳
Karachi Doppler / Weather Updates PK pic.twitter.com/fMDUwFORxr— Weather Updates PK (@WeatherWupk) October 19, 2022
برفباری کے باعث پہاڑوں اور کھلے مقامات نے سفید چادر اوڑھ لی ہے جبکہ مقامی افراد نے بھی سردی سے محفوظ رہنے کے لیے انتظامات شروع کردیے ہیں۔ علاوہ ازیں پشاور، صوابی، مٹہ، مدین، بحرین، سخرہ میں تیز بارش اور ژالہ باری ہوئی جس کے باعث نیشنی علاقے زیر آب آئے اور کھڑی فصلوں سمیت باغات کو نقصان پہنچا ہے۔ میدانی علاقوں میں بارش کے بعد موسم سرد ہو گیا۔
WESTERN DISTURBANCE: Heavy Snowfall at Naran and Kaghan Valley Right now
Weather Updates PK / Karachi Doppler pic.twitter.com/lNcwvXUeRv— Weather Updates PK (@WeatherWupk) October 19, 2022
بارش کے باعث ندی نالوں اور میں طغیانی ہوئی جس کے سبب تیمر گرہ میں ایک گاڑی ریلے میں بہہ گئی تاہم اس واقعے میں خوش قسمتی سے کوئی جانی نقصان نہیں ہوا۔
محکمہ موسمیات کے مطابق بارش کا یہ نیا سلسلہ جمعہ تک وقفے وقفے سے جاری رہنے کا امکان ہے۔
