اسلام آباد: وزیراعظم شہباز شریف نے کہا ہے کہ ملک میں ابھی مزید مہنگائی ہوگی۔
کابینہ اجلاس کے بعد وفاقی وزرا اور معاونین کے ہمراہ پریس کانفرنس کرتے ہوئے وزیراعظم نے کہا کہ 75 سالوں میں اہل ثروت نے قربانی نہیں دی مگر اب ملک کی خاطر نہیں قربانی دینا پڑے گی، انشاء اللہ ہم اجتماعی کوشش سے پاکستان کو مشکلات سے نکال دیں گے۔
وزیراعظم نے کہا کہ آئی ایم ایف سے مذاکرات آخری مراحل میں ہیں، معاہدے کے مطابق ہم پروگرام جاری رکھنے کے لیے تمام شرائط کو پورا کریں گے۔
[pullquote]ایک قوم کی حیثیت سے ہمیں کفایت شعاری کا مظاہرہ کرنا ہے، وزیراعظم[/pullquote]
اسلام آباد: وزیراعظم شہباز شریف کا کہنا ہے کہ ایک قوم کی حیثیت سے ہمیں کفایت شعاری کا مظاہرہ کرنا ہے کیونکہ مشکل وقت میں قوم امتحان سے گزر رہی ہے۔
کابینہ اجلاس سے خطاب کرتے ہوئے وزیراعظم کا کہنا تھا کہ حکومت کفایت شعاری کو اولین ترجیح دے رہی ہے کیونکہ وقت ہم سے پکار پکار کر کفایت شعاری، سادگی اور قربانی کا مطالبہ کر رہا ہے۔
وزیراعظم نے کہا کہ وزیر، مشیر اور بیوروکریٹ سمیت سب کو کفایت شعاری مہم اپنانی ہوگی، ہماری حکومت نے اپنا فرض ادا کرنے کے لیے پوری کوشش کی ہے۔
شہباز شریف نے کہا کہ ملک کی بہتری کے لیے ہمیں عملی مظاہرہ کرنا ہوگا اور مخیر حضرات ملکی بہتری کے لیے اپنا کردار ادا کریں۔ ہمیں آج بطور قوم وہ مظاہرہ کرنا ہے جس کا وقت ہم سے تقاضا کر رہا ہے۔
وزیراعظم نے کہا کہ مخلوط حکومت آسان بات نہیں ہے لیکن اتحادی حکومت ملک کو اپنی سمت میں دوبارہ لانے کی کوشش کر رہی ہے اور ماضی میں جھانکنے کے بجائے ہمیں آج آگے بڑھنے کے عزم کا اعادہ کرنا ہوگا۔
وزیراعظم نے یقین دلایا کہ آئی ایم ایف پروگرام جلد مل جائے گا۔
[pullquote]کفایت شعاری مہم؛ وفاقی وزراء کا الاؤنسز اور مراعات چھوڑنے کا فیصلہ[/pullquote]
اسلام آباد: سرکاری کفایت شعاری مہم میں تمام وفاقی وزراء نے رضاکارانہ طور پر تنخواہوں کے علاوہ الاؤنسز اور مراعات چھوڑنے کا فیصلہ کر لیا۔
وزیراعظم شہباز شریف کی زیر صدارت وفاقی کابینہ نے کفایت شعاری اقدامات کی منظوری دے دی۔
کابینہ کے فیصلے کے تحت کابینہ اراکین اور سرکاری افسران سفر کے لیے برنس کلاس استعمال نہیں کریں گے جبکہ سرکاری افسران فائیو اسٹار ہوٹل میں قیام بھی نہیں کریں گے۔
سرکاری تقریبات میں ڈنر اور لنچ میں سنگل ڈش ہوگی، وفاقی وزراء یوٹیلیٹی بلز اپنی جیب سے ادا کریں گے۔
کابینہ اجلاس سے خطاب کرتے ہوئے وزیراعظم شہباز شریف نے کہا کہ حکومت کفایت شعاری کو اولین ترجیح دے رہی ہے کیونکہ وقت ہم سے پکار پکار کر کفایت شعاری، سادگی اور قربانی کا مطالبہ کر رہا ہے۔
وزیراعظم نے کہا کہ مخیر حضرات ملکی بہتری کے لیے اپنا کردار ادا کریں، مشکل وقت میں قوم امتحان سے گزر رہی ہے۔ وزیر، مشیر اور بیوروکریٹ سمیت سب کو کفایت شعاری مہم اپنانی ہوگی۔
شہباز شریف نے کہا کہ ہماری حکومت نے اپنا فرض ادا کرنے کیلئے پوری کوشش کی ہے، ملک کی بہتری کے لیے ہمیں عملی مظاہرہ کرنا ہوگا۔ ہمیں آج بطور قوم وہ مظاہرہ کرنا ہے جس کا وقت ہم سے تقاضا کر رہا ہے۔
وزیراعظم نے کہا کہ مخلوط حکومت آسان بات نہیں ہے لیکن اتحادی حکومت ملک کو اپنی سمت میں دوبارہ لانے کی کوشش کر رہی ہے اور ماضی میں جھانکنے کے بجائے ہمیں آج آگے بڑھنے کے عزم کا اعادہ کرنا ہوگا۔
