جرمن چانسلرمنگل کو امریکی صدر ٹرمپ سے ملاقات کریں گی

جرمن چانسلرانجیلامارکل منگل کو امریکی صدرڈونلڈ ٹرمپ سے ملاقات کریں گی۔اور سیاسی و تجارتی معاملات پر گفتگو کرینگی۔

غیر ملکی میڈیاکے مطابق جرمن چانسلر انجیلا مارکل اگلے ہفتے کے دوران ایک بڑے تجارتی وفد کے ساتھ امریکا کا دورہ کریں گی۔ اس دورے کےموقع پر وہ وائٹ ہاؤس میں صدر ڈونلڈ ٹرمپ سے ملاقات بھی کریں گی۔

چانسلر مارکل کے وفد میں صنعتی گروپ سیمینز کے سربراہ جو کیزر اور کار بنانے والے ادارے بی ایم ڈبلیو کے سربراہ ہارالڈ کروگر بھی شامل ہوں گے۔چانسلر مارکل نے اپنے اس دورے کے حوالے سے کہا ہے کہ وہ امریکا کے دورے کے دوران جرمن حکومتی سربراہ کے علاوہ یورپی یونین کی سفیر کا فریضہ بھی انجام دیں گی۔

چانسلرمارکل کو سابق امریکی صدر باراک اوباما کا انتہائی قریبی بین الاقوامی پارٹنر قرار دیا جاتا تھا۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

آئی بی سی فیس بک پرفالو کریں

تجزیے و تبصرے