حسین حقانی سے متعلق سابق وزیراعظم گیلانی کا خط منظر عام پر

حسین حقانی کے اختیارات سےمتعلق سابق وزیراعظم گیلانی کا متنازع خط منظرعام پر آگیا ۔ خط کے مطابق حسین حقانی کو 2010 میں امریکی آفیشلز کوویزے جاری کرنے کی خصوصی اجازت دی گئی۔پیپلز پارٹی کاکہناہے کہ ایبٹ آباد کمیشن کی رپورٹ منظرعام پر لائی جائے، رپورٹ آنے پر تمام سوالوں کے جواب مل جائیں گے۔

وزیر اعظم ہاؤس کی اس وقت کی پرنسپل سیکریٹری نرگس سیٹھی نے اجازت نامے پر دستخط کیے ۔ حسین حقانی کو معاملے پر وزیر اعظم ہاؤس کو رپورٹ کرنے کے لیے کہا گیا۔

پیپلز پارٹی کے رہنما فرحت اللہ بابر نے خط پر رد عمل ظاہر کرتے ہوئے کہا ہے کہ پیپلز پارٹی دور میں ایک بھی ویزا طریقہ کارکے بغیر جاری نہیں ہوا،اس معاملےکی مکمل چھان بین ہونی چاہیے۔

انہوں نے کہا کہ یہ سوالات ایبٹ آباد کمیشن میں بھی اٹھائے گئے تھےاسکی رپورٹ منظرعام پرلائی جائے۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

آئی بی سی فیس بک پرفالو کریں

تجزیے و تبصرے