لاریب بخاری
لاہور
۔ ۔ ۔
ایان علی کو 14 مارچ 2015 کو پاکستان ایئر پورٹ سیکورٹی فورس نے منی لانڈرنگ کے جرم میں گرفتار کیا تھا
لاہور ہائی کورٹ نے ماڈل ایان علی کو ضمانت پر رہا کر نے حکم دے دیا ۔
درخواست ضمانت پر رہائی کا حکم جسٹس انوار الحق کی سربراہی میں دو رکنی بینچ نے دیا ۔
ماڈل ایان علی کو تین ماہ قبل اسلام آباد ایر پورٹ پر منی لانڈرنگ کیس میں گرفتار کیا گیا تھا ۔
جیل میں جانے کے بعد ایان علی سے متعلق کئی افواہیں مارکیٹ میں پھیلیں ۔
ایان علی کا کہنا تھا کہ جیل میں کوئی کتاب نہیں لکھ رہی اس حوالے سے تمام خبریں بے بنیاد ہیں۔
ان کا کہنا تھا کہ 100 فیصد پروفیشنل ماڈل ہوں کسی شخصیت سے کسی قسم کا کوئی تعلق نہیں ہے،
سیاسی شخصیت سے تعلق جوڑ کر میری کردار کشی کی جا رہی ہے۔
ایان علی کا کہنا تھا کہ جیل میں قیدیوں کو افطاری کروانے کی اجازت مانگی تھی جو نہیں دی گئی۔
ایان علی 30 جولائی 1993 کو پیدا ہوئیں۔
وہ ایک معروف ماڈل، گلوکارہ اور اداکارہ ہیں ۔
سپرٹنڈنٹ جیل کے مطابق رہائی کل ہی ممکن ہو سکے گی ۔
