امریکی صدر ڈونلڈ ٹرمپ اس سال نومبر میں چین کا دورہ کریں گے، دورہ کے موقع پر صدرٹرمپ، چینی صدر شی جن پھنگ سے ملاقات کریں گے۔ دونوں رہنماملاقات کے دوران شمالی کوریا کے جوہری میزائل تجربات اور خدشات سمیت علاقائی و خطے کی صورتحال اور تجارت کے بارے میں تبادلہ خیال کرینگے۔
امریکی اخبار بلوم برگ کی رپورٹ کے مطابق صدر ڈونلڈ ٹرمپ اس سال نومبر میں چین کا دورہ کریں گے۔ دونوں عالمی رہنما ملاقات کے دوران شمالی کوریا کے جوہری میزائل تجربات اور خدشات سمیت علاقائی و خطے کی صورتحال کے بارے میں تبادل خیال کرینگے۔
امریکی صدر اپنے چینی ہم منصب پر شمالی کوریا کے معاملہ پر اپنا اثر و رسوخ استعمال کرنے کے لئے زور ڈالیں گے۔کیونکہ چین اس معاملہ کو حل کروانے کی اہلیت رکھتا ہے۔ٹرمپ شمالی کوریا پر عائد کردہ عالمی پابندیوں کے حوالے سے بھی چین کو عملدرآمد کروانے پر زور دیں گے۔
