شاہنواز رانجھا نے پارٹی آفس پر قبضہ کرلیا ، شیخ رشید کا الزام

عوامی مسلم لیگ کے سربراہ شیخ رشید نے کہا ہے کہ لاہورمیں ان کے پارٹی آفس پر وزیر مملکت محسن شاہنواز رانجھا نے قبضہ کرلیا ہے، دفتر کا فرنیچر، کمپیوٹرز اور دیگر سامان بھی ان کے قبضے میں ہےجبکہ مقدمہ درج کرانے کےلیے تھانہ سول لائنز کو درخواست دے دی ہے۔

عوامی مسلم لیگ کے سربراہ شیخ رشید نے کہا ہے کہ ڈیوس روڈ پر عوامی مسلم لیگ کا دفتر جس پلازہ میں واقع ہے اس کے مالک کو 2 لاکھ روپے ایڈ وانس اور8 سال سے ماہانہ کرایا دیا جا رہا تھا۔

انہوں نے بتایا کہ دفتر کو خالی کرنےکے معاملے پر مالک سے تنازع چل رہا تھااور عدالت کے حکم امتناعی پر کرایہ رینٹ کمشنر لاہور کو جمع کرایا جا رہا تھا۔

شیخ رشیدنےمزید کہا کہ پلازہ مینجر نے عوامی مسلم لیگ کے دفتر کو ڈبل لاک کردیااور فرنیچر سمیت دفتر کا سارا سامان قبضے میں لےلیا اورمحسن شاہنواز رانجھا سے رابطہ کر نے کو کہاتاہم جب محسن شاہنواز رانجھا سے رابطہ کیا تو انہوں نے فون ہی نہیں سنا ۔

ان کا کہنا تھا کہ محسن شاہنوا ز رانجھا اوران کے 10 ساتھیو ں کے خلاف مقدمہ درج کرانے کےلیے تھانہ ریس کورس میں درخواست دیدی ہے۔

ادھر محسن شاہنوا ز رانجھا کا کہنا ہے کہ شیخ رشید نے اُن پر غلط الزام لگایا ہےجبکہ اُن کا اس پراپرٹی سے کوئی تعلق نہیں ہے۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

تجزیے و تبصرے