ابھی خان صاحب کو باضابطہ حکومت کی کرسی بھی نہیں ملی ، وزارت عظمیٰ تو دور ابھی قومی اسمبلی کا حلف بھی نہیں اُٹھایا ۔۔۔۔۔۔۔۔۔۔ لیکن سوالات اُٹھنے شروع ہوگئے ہیں ، کیا عمران خان "” ڈیلور”” کرپائیں گے؟۔۔۔۔۔۔۔۔۔ کیا خان صاحب اپنے دعوؤں اور وعدوں کو پورا کرپائیں گے ۔۔۔۔۔۔۔۔۔۔۔۔۔۔۔۔۔۔۔۔۔
عمران خان ایک ویژن رکھنے والے سیاستدان ہیں ،،،،، پاکستانی عوام کے قریب ڈیڑھ کروڑ ووٹ لے کر خوشی سے جھوتے ہوئے کسی سیاحتی مقام کی جانب نہیں نکل گئے ، نہ ہی یورپ یا برطانیہ کے کسی دورے کا پروگرام بنایا ،،،،،،، حتیٰ کہ اپنے بیٹوں کو اس خوشی کے موقع پر ملنے بھی نہیں گئے ۔۔۔۔۔۔ بلکہ حکومت بنانے کی تیاری ، اور اہل بندے کو اہل جگہ تعینات کرنے کی حکمتِ عملی ترتیب دینے لگے ۔۔۔۔۔۔۔۔۔۔۔۔۔۔۔۔۔۔۔۔۔۔
یہ کام باقی سیاستدان حلف اُٹھانے کے بعد ترتیب دیا کرتے تھے ،،،،، لیکن وہ بھی اہل بندے کو اُس کی جگہ کے مطابق نہیں تعینات کرتے تھے ، مثلا” شیخ وقاص اکرم جو کہ میٹرک پاس (جعلی بی اے) ہیں کو کسی پرائمری سکول کا کلرک تعینات کرنے کے بجائے وفاقی وزیر تعلیم بنا دیا جاتا ہے ۔۔۔۔۔۔۔۔۔۔ لیکن عمران خان درباری صحافیوں ، کچھ درباری پارٹی اراکین اور کچھ ” دوستوں ” کی گُن گُن کے باوجود سفارشی کے بجائے اہل اور محنتی لوگوں کو تعینات کرنے پر تلے ہوئے ہیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لیکن پھر بھی سوال اپنی جگہ قائم ہے ، کیا عمران خان ڈیلور کرپائیں گے؟ ۔۔۔۔۔۔۔۔۔۔۔ اس سوال کی وجہ تلاش کرنا از حد ضروری ہے ۔۔۔۔۔۔۔۔۔۔ اس بات میں کوئی شک نہیں کہ خان صاحب کو عوام کی ایک بہت بڑی تعداد نے دو بڑی پارٹیوں سے مایوس ہو کر سپورٹ کیا ۔۔۔۔۔۔۔۔۔۔۔۔۔۔۔۔۔
اس بات میں بھی کوئی شک نہیں کہ ماضی کی حکومتوں کی طرح خان صاحب کو بھی اسٹیبلشمنٹ کی بھرپور اشیر باد حاصل تھی ۔۔۔۔۔۔۔۔۔۔۔۔۔۔۔۔۔۔۔۔۔
عدلیہ کے تمام فیصلوں کا فائدہ عمران خان کو ہوا ۔۔۔۔۔۔۔۔۔۔۔۔۔۔۔ دھرنوں سے لے کر استعفے لینےاور دینے تک ”امپائر ” کی اُنگلی کے اشاروں کا انتظار کیا جاتا رہا ۔۔۔۔۔۔۔۔۔۔۔۔۔۔۔۔۔۔۔۔۔۔
کراچی ، پورے سندھ اور بلوچستان کے موجودہ اور گزشتہ انتخابات کے نتائج کا موازنہ کیا جائے تو اس قدر بڑی تبدیلی انسانی مخلوق نہیں بلکہ خلائی مخلوق کے تعاون سے ہی ممکن ہے ۔۔۔۔۔۔۔۔۔۔۔۔۔۔۔۔۔۔۔۔۔۔
اب تک کی گفتگو سے ایک بات اخذ کی جاسکتی ہے ۔۔۔۔۔۔۔۔۔۔۔۔۔ عمران خان کو حکومت ملنے کے پیچھے اُن کی جادوئی شخصیت اور محنت ، عوام کا دوسری پارٹیوں سے تنگ آجانا اور اسٹیبلشمنٹ کی بھرپور حمایت اور معاونت شامل تھی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اب بات کی جائے کچھ چیدہ چیدہ نکات پر ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جہاں خآن صاحب کو مشکلات ہوسکتی ہیں ،
[pullquote]1۔ بھارت سے تعلقات ۔[/pullquote]
خان صاحب کو مینڈیٹ ملتے ہی دنیا بھر سے تہنیتی پیغامات موصول ہونے لگے ہیں ، جن میں ایک فون نریندرا مودی کا بھی تھا ۔ سویلین حلقوں میں اس فون کال کو ڈپلومیسی کے آغاز کا پیشِ خیمہ قرار دیا گیا اور خوب حمایت کی گئی ، لیکن سوال یہ پیدا ہوتا ہے جن پر عمران خان کی حمایت کا الزام ہے ، کیا وہ ادارے ، فوج اور انٹیلیجنس ایجنسیز عمران خان کو بحیثیت وزیراعظم مودی یا بھارت سے مذاکرات کرنے دیں گی؟ کیا وہ عمران خان کو بھارت سے خوشگوار تعلقات قائم کرنے کی اجازت دیں گی کیا پھر خان صاحب بھی ”غدار ” قرار پائیں گے ۔
[pullquote]
2۔ مسئلہِ کشمیر[/pullquote]
عمران خان اُمید کی کرن ہیں ، آپ نے آزادکشمیر کے ایک دورے میں فرمایا تھا کہ ” اقتدار میں آکر سب سے پہلے مسئلہ کشمیر حل کریں گے۔”
سوال یہ پیدا ہوتا ہے کہ بھارت اور پاکستان کی افواج یہ مسئلہ حل کرنا چاہتی ہیں؟۔ کیا دونوں ممالک کی اسٹیبلشمنٹ اور فوجی قیادت کشمیر کے کسی سیاسی حل پر راضی ہوجائے گی؟ اگر ہاں تو بہت اچھے اگر نہیں تو پھر عمران خان کا کشمیر سے متعلق دعویٰ محض دعویٰ ہی رہے گا ۔۔۔۔۔۔۔۔۔ اور دونوں ممالک کی افواج ایک دوسرے کو کشمیرمیں آنکھیں دکھاتی رہیں گی ۔۔۔۔۔۔۔۔۔۔
[pullquote]3۔ فوجی اخراجات میں کمی [/pullquote]
خان صاحب نے ایک انٹرویو میں فرمایا تھا: ” دونوں ممالک کی افواج اپنے دفاعی اخراجات میں کمی کرکے وہ پیسہ صحت و تعلیم پر لگائیں”۔۔۔۔۔۔۔۔۔۔۔۔۔۔۔۔۔۔۔ بھارت کا پتہ نہیں لیکن ہماری ملٹری کا بجٹ ہر سال بڑھتا ہی رہتا ہے ، لیکن پھر بھی سالارِ محترم فرماتے ہیں: ” ہمارا گزارہ مشکل سے ہوتا ہے۔”
اب دیکھنا یہ ہے کہ خان صاحب اپنے روایتی موقف سے دستبردار ہوتے ہیں یا پھر واقعی وہ دفاعی بجٹ گھٹانے میں کامیاب ہوتے ہیں ۔
کچھ لوگوں کے مطابق ماضی میں دفاعی بجٹ پر کٹ لگانے کی کوشش میں مصروف اسحاق ڈار کو بھی انھی بنیادوں پر سزا دلوائی گئی ۔
[pullquote]4۔ خارجہ پالیسی [/pullquote]
پاکستان کے اداروں کی پالیسی رہی ہے کہ بغیر کسی پالیسی کے کام کرنا ہے ۔ اپنے کام چھوڑ کر دوسرے امور میں مداخلت کرنا بھی وطیرہ رہا ہے ۔ جسکی واضع مثال موجود چیف انجینئر بھاشا ڈیم (چیف جسٹس ) اور آرمی چیف ہیں ۔۔۔۔۔۔۔۔۔۔۔۔۔۔۔ نواز شریف نے وزیر خارجہ نہ رکھ کر فوج کو کھلا کھیلنے کا موقع دیا ۔۔۔۔۔۔۔۔۔۔۔۔۔۔۔
اور پھر چیف صاحب آئے روز ”وزیر خارجہ ” بن کر کبھی سعودیہ اور کبھی جرمنی ، کبھی افغانستان یاترا پر جاتے رہے ۔۔۔۔۔۔۔۔۔۔۔۔۔۔
کیا عمران خآن جو خارجہ پالیسی کو ملک کی آکسیجن قرار دیتے ہیں ، وہ آکسیجن سلنڈر دفاعی اداروں سے لے کر سیاسی لوگوں کو دے پائیں گے؟ ۔۔۔۔۔۔۔۔۔۔۔۔۔
[pullquote]5۔ سی پیک اور ٹھیکے[/pullquote]
سی پیک پر نواز و زرداری و عمران سب متفق ہیں ۔ اور سی پیک کی منصوبہ بندی میں مولانا سمیت ہر سابقہ حکومتی اتحاد میں شامل سیاستدانوں کا بڑا ہاتھ تھا ۔ لیکن سی پیک کی سیکیورٹی اور گارنٹی پاک آرمی نے دی ہے ۔ پاک آرمی مزید کردار ادا کرنا چاہتی ہے، ن لیگ کو چلتا کرانے کی بنیادی وجوہات میں ایک یہ بھی شمار کی جاسکتی ہے ۔۔۔۔۔۔۔۔۔۔۔۔۔۔۔۔۔۔۔
کچھ لوگوں نے طاقت کے زور پر ٹھیکے باوردی لوگوں اور اُن کے بندوں کو دلوائے ، تاکہ خوب کمایا جاسکے ۔۔۔۔۔۔۔۔۔۔۔۔۔۔۔۔ اور یہ سلسلہ اب بھی جاری ہے، سوال یہ ہے کہ اس قدر بڑے منصوبے پر ٹھیکوں کا میرٹ بحال ہوگا ؟ یا پھر اس کو ” نو گو ایریا ” قرار دے دیا جائے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔
[pullquote]6۔ پاک امریکہ تعلقات [/pullquote]
خان صاحب کا موقف امریکہ کے بارے میں ویسا ہی ہے جیسا ایک سچے مسلمان یا کسی جہادی تنظیم کے کارکن کا ہوتا ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔
آپ امریکہ کو ظالم ، افغانیوں کو مظلوم اور پاکستان کو متاثرہ فریق قرار دیتے ہیں ۔ اور طالبان سے مذاکرات پر زور دیتے ہیں ۔
جبکہ دوسری جانب پاکستان کی مسلح افواج اور ادارے افغانستان میں امریکہ کو مجبورا” سپورٹ کرتے ہیں ۔ نیٹو سپلائی ، انٹیلجنس معلومات کا تبادلہ اور سٹرٹیجیک سپورٹ مہیا کی جاتی ہے ۔ بدلے میں امریکہ کی جانب سے ڈالر ملتے ہیں تاکہ پاکستان اپنے نقصانات کا ازالہ کرسکے۔
کیا خان صاحب افواج، پاکستان کی پالیسی پر چلیں گے یا پھر وہ افغانستان میں بامعنی مذاکرات کروائیں گے ، اور ناکامی کی صورت میں امریکہ کو اپنا کندھا دینے سے مُکر جائیں گے؟
[pullquote]7۔ کاروباری طبقہ اور ٹیکس [/pullquote]
خان صاحب کی پارٹی میں بہت کاروباری حضرات موجود ہیں ۔ جبکہ پارٹی فنڈ ، انتخابی مہم فنڈ وغیرہ کی صورت میں کروڑوں اربوں دینے والے بزنس مین بھی موجود ہیں، جن کا یہ خیال ہے کہ وہ خان صاحب کے اقتدار میں آنے کے بعد ایک کے چار کمائیں گے ۔
جبکہ عمران خان کا موقف ہے کہ وہ امیر طبقے سے زیادہ سے زیادہ ٹیکس لیں گے اور غریب طبقے کو زیادہ سے زیادہ سہولت دیں گے ۔
خان صاحب کے اقتدار کے تخت کے نیچے ایک پاوا کاروباری کمیونٹی تھامے بیٹھی ہے، کیا خان صاحب عوامی مینڈیٹ کی طاقت سے کاروباری ٹیکس چوروں سے قوم کا حق واگزار کرواسکیں گے؟
یہ سب اور ایسے ہی بہت سے مسائل پر عمران خان کا موقف انتہائی زبردست اور ایک عام شہری کے لیے فائدہ مند ہے۔ اس لیے ایسے ایشوز کے حل میں بہت سی رکاوٹیں کھڑی کی جاسکتی ہیں۔ عمران خان ان رکاوٹوں کا سامنا کرتے ہوئے اپنے ویژن کی تکمیل کرپائیں گے؟ یا وہ بھی ماضی کے وزراءِ اعظم کی طرح ”نہ سُننے ” پر گھر بھیج دیئے جائیں گے۔۔۔۔۔۔۔۔۔ یہ سب کہنا قبل از وقت ہے ، تاہم یہ دعا کرنی چاہیے کہ خان صاحب کو پورا اقتدار اور پورا اختیار ملے۔۔۔۔۔۔۔۔ انشاء اللہ وہ کچھ بہتر کرجائیں گے ۔۔۔۔۔۔۔۔۔۔۔۔۔۔۔۔۔۔
