بھارتی فضائیہ کا ایک اور جنگی طیارہ گر کر تباہ

بھارتی ریاست مدھیہ پردیش میں بھارت کا ایک اور جنگی طیارہ مگ 21 گرکر تباہ ہوگیا۔

بھارتی میڈیا کے مطابق بھارتی ائیرفورس کا مگ 21 تربیتی طیارہ دوران پرواز کریش ہوگیا تاہم طیارے میں سوار دونوں پائلٹ گروپ کیپٹن اور اسکوارڈن لیڈر نے چھلانگ لگاکر اپنی جان بچائی۔

میڈیا رپورٹس کے مطابق بدھ کی صبح طیارہ اپنے معمول کے مشن پر تھا، بھارتی فضائیہ نے حادثے کی وجوہات جاننے کے لیے تحقیقات کا حکم دے دیا۔

واضح رہےکہ 27 فروری کو پاکستان میں دراندازی کی کوشش پر پاک فضائیہ نے بھی مگ 21 اڑانے والے بھارتی ونگ کمانڈر ابھی نندن کا طیارہ تباہ کرکے پائلٹ کو گرفتار کرلیا تھا تاہم بعد میں حکومت پاکستان نے ابھی نندن کو رہا کردیا جس کے بعد بھارت نے انہیں مگ 21 کا انسٹرکٹر لگادیا۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

آئی بی سی فیس بک پرفالو کریں

تجزیے و تبصرے