پشاور ميں ساتويں کلاس کے طالبعلم نے محبت ميں ناکامی پر خود کشی کر لی
کم سن سلمان کی عمر تیرہ برس تھی اور وہ گل بیلہ کے ایک نجی اسکول میں ساتویں کلاس کا طالب علم تھا ۔ سلمان نے آج اسکول میں ہی خود کو گولی مار دی ۔
پولیس کے مطابق سلمان نے یہ قدم میں محبت میں ناکامی پر اٹھایا۔ سلمان اپنے ہی اسکول کی پانچویں کلاس کی طالبہ سے محبت کرتا تھا اور آج دونوں میں کسی بات پر ناراضی ہوئی ۔ سلمان نے اسکول چوکیدار کے پسٹل سے خود پر دو فائر کئے اور موقع پر ہی دم توڑ گیا ۔ پولیس خود کشی کی مزید وجوہات پر بھی غور کر رہی ہے ۔
سلمان کی موت پر پورے علاقے میں کہرام مچ گیا ۔ لوگوں کے مطابق سلمان ایک خوش مزاج لڑکا تھا ۔
پولیس کی تفتیش کے مطابق سلمان کچھ روز سے دلبرداشتہ تھا تاہم اس نے کسی سے اس کا اظہار نہیں کیا ۔
سلمان کے والد نے آئی بی سی اردو سے گفت گو کر تے ہوئے بتایا کہ ” وہ آج صبح تیار ہو کر اسکول گیا ، جاتے ہوئے اسکول کی فیس بھی لیکر گیا تھا ”
سلمان کے والد کے مطابق آج تک سلمان نے کسی لڑکی میں دلچسبی یا اس متعلق کوئی بات نہیں کی اور ناہی انہں اس بارے میں کوئی علم ہو سکا ۔
۔
