لاہور پریس کلب کی ادبی کمیٹی اور نیشنل بُک فاؤنڈیشن کے تعاون سے تین روزہ کتاب میلے کا انعقاد ہوا۔
میلے میں کتابوں کے شائقین نے بڑی تعداد میں شرکت کی اور نیشنل بک فاؤنڈیشن کی جانب سے انتہائی ارزاں نرخوں پر معیاری اور عمدہ کتابوں کی فراہمی کو سراہا۔
لاہور پریس کلب کے زیر اہتمام کتاب میلہ 15، 16اور 17تاریخ تک جاری رہا ۔
کتاب میں میں نیشنل بک فاؤنڈیشن کے ریڈرز کلب پروگرام کے تحت شائقین کتب کی ممبر شپ کا عمل بھی جاری رہا ۔
خیال رہے کہ نیشنل بک فاؤنڈیشن کے ریڈرز کلب کے ممبران نیشنل بک فانڈیشن سمیت درج کے قریب پبلیشرز کی کتابیں 55فی صد رعایت پر خرید سکتے ہیں ۔
کتاب میلے میں تاریخ ، زبان ، ادب ، ثقافت اور مذہب کے موضوعات پر عمدہ کتابیں موجود ہیں۔
شائقین کی بڑی تعداد بچوں کے لیے نیشنل فاؤنڈیشن کی شائع کردہ کہانیوں میں دلچسپی لے رہی تھی ۔
میلے میں موجود ایک صحافی کا کہنا تھا کہ یہ نیشنل بک فاؤنڈیشن ہی کا کارنامہ ہے کہ آپ محض چند سو روپے میں درجن بھر اچھی کتابیں حاصل کر سکتے ہیں ۔
