رنگارنگ تقریب کے ساتھ پی ایس ایل 2017 کا افتتاح

پاکستان سپر لیگ(پی ایس ایل) 2017 کے ایڈیشن کا رنگا رنگ افتتاحی تقریب کے ساتھ آغاز ہو گیا ہے۔

بالآخر وہ شاہکار جس کا شائقین گزشتہ کئی ہفتوں سے انتظار کر رہے تھے اس اس کا متحدہ عرب امارات کے شہر دبئی میں ایک رنگا رنگ تقریب کے ذریعے افتتاح ہو گیا۔

تقریب کا آغاز پاکستان کے قومی ترانے سے ذریعے کیا گیا جس نے اسٹیڈیم اور ٹی وی اسکرین پر میچ دیکھنے شائقین کے جوش و خروش کو مزید بڑھا دیا۔

تقریب کے میزبان نامور اداکار فہد مصطفیٰ بھی عمدہ انداز میزبانی سے اسٹیڈیم میں موجود شائقین کو متحریک اور پرجوش رکھ رہے ہیں۔

قومی ترانے کے بعد سنوستا فلائنگ ڈرمرز نے فضا میں ڈھول بجانے کا عمدہ کرتب دکھا کر اسٹیڈیم میں سماں باندھ دیا جس پر شائقین نے انہیں دل کھول کر داد کی۔

اس کے بعد عمدہ پرفارمنس اور دلفریب گانوں کے ذریعے ملک کے چاروں صوبوں اور وفاق کی ثقافت کی مںظر کشی کی گئی۔

چئرمین پاکستان کرکٹ بورڈ شہریار خان نے تقریب سے خطاب کرتے ہوئے کہا کہ پی ایس ایل کے ذریعے پاکستان میں انٹرنیشنل کرکٹ بحال کریں گے اور لاہور میں فائنل کرانے سے پاکستان کرکٹ کو فائدہ ہو گا۔

چئرمین پی سی بی کے خطاب کے بعد ٹیموں کی میدان میں آمد کا سسلہ شروع ہوا جہاں سب سے پہلے اسلام آباد یونائیٹڈ، پھر کراچی کنگز، لاہور قلندرز، پشاور زلمی اور سب سے آخر میں کوئٹہ گلیڈی ایٹرز کی ٹیم کی میدان میں آمد ہوئی۔

pak cr

اس کے بعد نجم سیٹھی نے تقریب سے خطاب کرتے ہوئے کہا کہ یہ پی ایس ایل گزشتہ پی ایس ایل سے ختلف یوں ہے کہ اس میں گزشتہ سال کی نسبت زیادہ بڑے اسٹارز شریک ہیں اور اس مرتبہ بیٹنگ کیلئے سازگار وکٹیں بنائی ہیں جس سے میچوں میں چھکے چوکے لگیں گے۔

انہوں نے کہا کہ اس سال ایونٹ کی خاص بات فائنل کے ذریعے پاکستان میں انٹرنیشنل کرکٹ کی واپسی ہے اور ہم اس کے بعد غیر ملکی ٹیموں کو بھی پاکستان میں بلائیں گے۔

نجم سیٹھی کے خطاب کے بعد تمام فرنچائز ٹیموں کے قائدین کو مدعو کیا گیا جن کے ساتھ ایک مرتبہ پھر ایونٹ کی شاندار ٹرافی کی تقریب رونمائی کی گئی۔

پاکستان سپر لیگ کے آغاز کے ساتھ ہی سوچل میڈیا خصوصاً ٹوئٹر پر اس کے چرچے جاری ہیں۔

پہلے سیزن کے عمدہ انعقاد کے بعد سب کو امید ہے کہ دوسرا ایونٹ کامیابی کے تمام تر ریکارڈ توڑ دے گا اور ایک نئی تاریخ رقم کرے گا۔

تقریب کے اختتام پر ایونٹ کا افتتاحی میچ دفاعی چیمپیئن اسلام آباد یونائیٹڈ اور پشاور زلمی کے درمیان کھیلا جائے گا۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

آئی بی سی فیس بک پرفالو کریں

تجزیے و تبصرے