دنیا بھر سمیت پورے ملک میں نئے سال کی آمد کا جشن شروع ، آسمان پر رنگ و نور کی برسات
نئے سال کی آمد کے ساتھ ہی پورے ملک میں جشن شروع ہو چکا ہے ۔ رات بارہ بجتے ہی من چلے سڑکوں پر نکل آئے ۔ خوب شور اور ہلہ گلا کیا ۔ بھنگڑے ڈالے گئے ۔ بحریہ تاؤن لاہور اور کراچی میں خصوصی میوزیکل کنسرٹ منعقد کئے گئے ۔
[pullquote]نئے سال کا جشن نیوزی لینڈ سے شروع ہوا ، اسٹریلیا سے ہوتا ہوا پاکستان پہنچ گیا ۔[/pullquote]
کراچی ، لاہور ، اسلام آباد ، راولپنڈی میں آتش بازی کے شاندار مظاہرے کئے گئے جس سے آسمان روشنیوں سے جگمگا اٹھا ۔
داتا دربار لاہور میں تلاوت کلام پاک اور دعا کے ساتھ نئے سال کا آغاز کیا گیا ۔ دیگر عبادت گاہوں میں بھی دعائیہ تقریبات کا اہتمام کیا گیا تھا ۔لبرٹی لاہور میں بھی بھرپور آتش بازی کا مظاہرہ کیا گیا ۔
صدر مملکت ممنون حسین ، وزیر اعظم نواز شریف ، آرمی چیف جنرل راحیل شریف ، عمران خان ، آصف علی زرداری ، مولانا فضل الرحمان سمیت تمام قومی رہ نماؤں نے نئے سال کی آمد پر قوم کے نئے پرعزم رہنے کا پیغام دیا ہے ۔
