قرض واپسی کا تنازع: فائرنگ سے 6 سالہ بچی جاں بحق

فیصل آباد میں قرض کی واپسی کے تنازع پر فائرنگ سے 6 سالہ بچی جاں بحق ہوگئی۔

الہٰی آباد کے رہائشی وارث مسیح نے ملزم اجمل سے 40 ہزار روپے کا قرض لے رکھا تھا۔

ملزم قرض کی رقم حاصل کرنے وارث کے گھر آیا جہاں وارث نے رقم کی واپسی کے لیے تین سے چار روز کی مہلت مانگی، تاہم اجمل نے وقت دینے سے انکار کردیا جس پر دونوں کے درمیان تلخ کلامی ہوئی۔

تلخ کلامی بڑھنے پر اجمل نے اپنی پستول نکال لی اور فائرنگ کردی جس سے وارث مسیح کی بیٹی حمیرا شدید زخمی ہوئی۔

حمیرا کو تشویشناک حالت میں الائیڈ ہسپتال منتقل کیا گیا، تاہم وہ جانبر نہ ہوسکی۔

صدر پولیس نے واقعے کی ایف آئی آر درج کرلی۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے