یونیورسٹی طالبہ سے اجتماعی زیادتی کا ایک اور ملزم گرفتار

چنیوٹ میں یونیورسٹی کی طالبہ کے ساتھ 4 افراد کی مبینہ اجتماعی زیادتی کیس میں دو ملزمان گرفتار ہوگئے، ایک ملزم نے عبوری ضمانت کرالی ہے جبکہ ایک ملزم تاحال فرار ہے۔

چنیوٹ میں طالبہ سے مبینہ اجتماعی زیادتی کے کیس میں ایک اور ملزم کو گرفتار کرلیا گیا۔

پولیس کے مطابق میڈیکل رپورٹ میں زیادتی ثابت ہوئی ہے۔

وزیراعلی پنجاب عثمان بزدار اور آئی جی پنجاب نے واقعے کا نوٹس لے لیا ہے۔ ملزمان نے فیصل آباد یونیورسٹی کی طالبہ کو مبینہ طور پر اجتماعی زیادتی کا نشانہ بنایا تھا۔

اہل علاقہ کے مطابق مرکزی ملزم متاثرہ طالبہ کا کلاس فیلو تھا جو اسے فیصل آباد سے ورغلا کر لایا تھا۔

ملزم کے دیگر دوستوں نے بھی طالبہ کو اجتماعی زیادتی کا نشانہ بنایا تھا۔ پولیس کے مطابق لڑکی کا میڈیکل کروایا گیا ہے جس میں زیادتی ثابت ہوچکی ہے۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے