تہران: ایران نے دہری شہریت کے حامل علیحدگی پسند اپنے شہری کو جرم ثابت ہونے پر پھانسی دیدی۔
عالمی خبر رساں ادارے کے مطابق ایران میں عرب علیحدگی پسند گروپ کی قیادت کرنے والے حبیب فراج اللہ پر 2018 میں فوجی پریڈ پر حملہ کرکے 25 افراد کو قتل کرنے کا الزام تھا۔
علیحدگی پسند رہنما حبیب اللہ فراج کو 2020 میں ترکی سے گرفتار کرکے تہران لایا گیا تھا۔ 2022 میں فرد جرم عائد کی گئی اور رواں برس کے پھانسی کی سزا سنائی گئی تھی۔
تہران: ایران نے دہری شہریت کے حامل علیحدگی پسند اپنے شہری کو جرم ثابت ہونے پر پھانسی دیدی۔#Iran pic.twitter.com/FKMuD5ZBXQ
— Rabia Syed (@rabiasyed66) May 7, 2023
ایران کی عدالتی ترجمان کی جانب سے جاری بیان میں کہا گیا ہے کہ اسلامی قانون کے مطابق ملزم کو پھانسی کی سزا سنائی گئی تھی جس پر آج عمل درآمد کردیا گیا۔
سوئیڈن کے وزیر خارجہ نے اپنے شہری حبیب اللہ فراج کی پھانسی کی مذمت کرتے ہوئے سزائے موت کو ایک غیر انسانی عمل قرار دیا۔